1000 கோடி வசூல் பண்ணியே ஆகணும்!.. AA26 படத்தின் பட்ஜெட் இவ்வளவு கோடியா?!...
AA26 Update: சன் பிக்சர்ஸ் இயக்கத்தில் அட்லி இயக்கும் புதிய படத்தில் புஷ்பா பட ஹீரோ அல்லு அர்ஜூன் ஒரு புதிய படத்தில் நடிக்கவிருக்கிறார். இதன் அறிவிப்பு சில மாதங்களுக்கு முன்பே வெளியானது. எப்போதுமே அதிக பட்ஜெட்டில் படமெடுப்பவர் அட்லில். ஏனெனில், இவர் பிரம்மாண்ட இயக்குனர் ஷங்கரிடம் வேலை செய்தவர்.
எனவே, அவரைப்போலவே அதிக பட்ஜெட்டுக்களில் படமெடுத்து தயாரிப்பாளரை கதறவிடுவார். படம் தயாரிப்பாளருக்கு லாபமா? நஷ்டமா? என்றெல்லாம் பார்க்கமாட்டர். அதை விட அதிக பட்ஜெட்டில் படமெடுக்க எந்த தயாரிப்பாளர் கிடைப்பார் என்று மட்டுமே பார்ப்பார். இவரின் படங்களில் எல்லா காட்சிகளிலும் ரிச்னெஸ் அதிகமாகவே இருக்கும்.
புஷ்பா படம் தமிழ், தெலுங்கு, ஹிந்தி போன்ற மொழிகளில் ஹிட் அடித்ததால் பேன் இண்டியா ஸ்டாராக மாறினார் அல்லு அர்ஜூன். அடுத்து வந்த புஷ்பா 2 படம் 1800 கோடி வரை வசூல் செய்து சாதனை செய்துவிட்டது. இந்திய சினிமாவில் அதிக வசூல் செய்த படமாகவும் புஷ்பா 2 இருக்கிறது.
அதேபோல், ஷாருக்கானை வைத்து அட்லி கடைசியாக இயக்கிய ஜவான் படமும் 1300 கோடி வசூலை பெற்றது. எனவேதான், சன் பிக்சர்ஸ் கலாநிதிமாறனும், அல்லு அர்ஜூனும் அட்லியை நம்பி வந்திருக்கிறார்கள். இது அல்லு அர்ஜூனுக்கு 26வது திரைப்படமாகும். இன்னும் தலைப்பு வைக்கப்படாததால் இப்போதைக்கு AA26 என அழைக்கிறார்கள்.
ஹாலிவுட் கதாசிரியரோடு இணைந்து இப்படத்திற்கான கதையை உருவாக்கி, ஹாலிவுட் ஸ்டைலில் ஒரு சூப்பர் ஹீரோ படமாக இதை உருவாக்கவிருக்கிறார் அட்லி. இந்த படத்தில் 5 நடிகைகள் நடிக்கவிருக்கிறார்களாம். இதில், தீபிகா படுகோனேவும் ஒருவர் என்பதை நேற்று அறிவித்தார்கள். தீபிகா படுகோனேவுக்கு 25 கோடி சம்பளம் பேசப்பட்டிருக்கிறதாம்.
அல்லு அர்ஜூனுக்கு 175 கோடி, அட்லிக்கு 100 கோடி சம்பளம் என சொல்லப்படுகிறது. மற்ற நடிகர், நடிகைகள் மற்றும் தொழில்நுட்ப கலைஞர்களின் சம்பளம், படமெடுக்கும் செலவு என எல்லாவற்றையும் சேர்த்தால் படம் எப்படியும் 600 கோடி பட்ஜெட்டை தாண்டும் என்கிறார்கள். எனவே, ஆயிரம் கோடி வசூலை தாண்டினால் மட்டுமே சன் பிக்சர்ஸ் நிறுவனத்திற்கு இப்படம் லாபமாக அமையும் என்கிறார்கள்.