3 வருடங்களில் 4 சூப்பர் ஹிட் படங்கள்!. சைலண்டா இருந்து சாதிக்கும் தனுஷ்!...

Actor Dhanush: துள்ளுவதோ இளமை படம் மூலம் சினிமாவில் அறிமுகமாகி அண்ணன் செல்வராகவனிடம் சினிமாவையும், நடிப்பையும் கற்றுக்கொண்டவர் தனுஷ். அதன்பின் வெற்றிமாறன் உள்ளிட்ட பல படங்களிலும் நடித்து தன்னை மெருகேற்றிக்கொண்டார். ஆடுகளம், அசுரன் போன்ற படங்களுக்காக தேசிய விருதும் வாங்கினார்.

மேலும், தமிழ் மட்டுமின்றி தெலுங்கு, ஹிந்தி மற்றும் ஹாலிவுட் படங்களிலும் நடித்திருக்கிறார். தனுஷ் என்றால் இந்திய சினிமா பிரபலங்களுக்கு தெரியும் அளவுக்கு முன்னேறியிருப்பதுதான் அவரின் சாதனையாக பார்க்கப்படுகிறது. இப்போதெல்லாம் தனுஷின் படங்கள் தெலுங்கு மொழியிலும் டப் செய்யப்பட்டு வெளியாகி வருகிறது. அல்லது தமிழ், தெலுங்கு என இரண்டு மொழிகளிலும் அவரின் படங்கள் வெளியாகிறது.

சமீபத்தில் வெளியான குபேரா படம் தமிழ், தெலுங்கு, ஹிந்தி என 3 மொழிகளில் வெளியானது. இதற்கு முன் தனுஷின் வாத்தி படம் தமிழ், தெலுங்கில் உருவானது. அனிருத், சிவகார்த்திகேயன் ஆகியோர் இப்போது சினிமாவில் இந்த இடத்தை பிடிப்பதற்கு காரணமாக இருந்தவர் தனுஷ்தான். ஆனால், அவர்கள் இருவருமே இப்போது தனுஷுடன் நெருக்கமாக இல்லை.

ஒருபக்கம் கமர்ஷியல் படங்களிலும், ஒருபக்கம் நல்ல கதையம்சம் கொண்ட படங்களிலும் நடித்து ஸ்கோர் செய்து வருகிறார் தனுஷ். பெரிதாக எங்கேயும் அலட்டிக்கொள்வது இல்லை. தன்னை பற்றி பெருமையாக பேசுவதில்லை. குபேரன் பட புரமோஷன் விழாவில் மட்டுமே தன்னைப் பற்றி தவறாக சித்தரிப்பவர்கள் பற்றி பேசினார். என் ரசிகர்கள் இருக்கும் வரை என்னை யாராலும் எதுவும் செய்ய முடியாது என பேசினார்.

ஒருபக்கம், தனுஷ் தொடர் வெற்றிப்படங்களை கொடுத்து வருகிறார். கடந்த 3 வருடங்களில் இவரின் 4 திரைப்படங்கள் 100 கோடி வசூலை பெற்றது. 2022ம் வருடம் வெளியான திருச்சிற்றம்பலம், 2023ம் வருடம் வெளியான வாத்தி, 2024ல் வெளியான ராயன், 2025ம் வருடம் வெளியா குபேரா ஆகிய 4 படங்களும் 100 கோடி கிளப்பில் இணைந்தது.

ஒருபக்கம் இயக்குனராகவும் தனுஷ் கலக்கி வருகிறார். ராயன் ஹிட்டுக்கு பின் இட்லி கடை என்கிற படத்தை இயக்கினார். இந்த படம் முடிவடையும் நிலையில் இருக்கிறது. அடுத்து அஜித்தை வைத்து ஒரு படம் இயக்கும் முயற்சியில் இருக்கிறார். ஒருபக்கம் நடிப்பு, ஒருபக்கம் கதை எழுதுவது, ஒரு பக்கம் இயக்கம் என நிற்காமல் ஓடி வருகிறார் தனுஷ்.