கைதிக்கு வில்லனாகும் ரோலக்ஸ்!.. இப்படி ஒரு டிவிஸ்ட்டே எதிர்பார்க்கலயே!..

Kaithi 2: இளசுகளுக்கு மிகவும் பிடித்த இயக்குனராக மாறியிருப்பவர் லோகேஷ் கனகராஜ். இவரின் மாநகரம், கைதி, மாஸ்டர், விக்ரம், லியோ போன்ற படங்களுக்கு ரசிகர்களிடம் பெரிய எதிர்பார்ப்பு இருந்தது. பெரும்பாலும் போதை மருந்து கடத்தலை மையமாக வைத்தே லோகேஷ் படங்களை இயக்கி வருகிறார்.

இவரின் மாநகரம் படத்தை பார்த்துதான் விஜய் மாஸ்டர் படத்தை இயக்கும் வாய்ப்பை கொடுத்தார். அப்படி வெளியான மாஸ்டர் படமும் சூப்பர் ஹிட் அடித்தது. அதேபோல், கமலை ஒரு பக்கா ஆக்‌ஷன் ஹீரோவாக விக்ரமில் கட்டினார் லோகேஷ். அப்படி வெளியான விக்ரம் 400 கோடிக்கும் மேல் வசூல் செய்தது.

பல வருடங்களுக்கு பின் ராஜ்கமல் பிலிம்ஸ் நிறுவனம் மீண்டும் படங்களை தயாரிக்க காரணமே விக்ரம் படம்தான். அதன்பின் விஜயை வைத்து லோகேஷ் இயக்கிய லியோ படமும் வெற்றி பெற்றது. இப்போது ரஜினியை வைத்து கூலி படத்தை இயக்கி முடித்திருக்கிறார். இந்த படம் வருகிற ஆகஸ்டு 14ம் தேதி வெளியாகவுள்ளது.

இந்த படத்திற்கு பின் ஒரு படத்தில் லோகேஷ் நடிக்கவிருப்பதாக சொல்லப்படுகிறது. விரைவில் இதுபற்றிய அறிவிப்பு வெளியாகும் என எதிர்பார்க்கப்படுகிறது. அதோடு அடுத்தடுத்த படங்களை இயக்கவும் திட்டமிட்டிருக்கிறார். அடுத்து கார்த்தியை வைத்து கைதி 2 படத்தை இயக்கவிருக்கிறார்.

இந்த படத்தில் கதாநாயகியாக நடிக்க அனுஷ்காவை படக்குழு கேட்டு வருவதாகவும் சொல்லப்படுகிறது. ஒருபக்கம், இந்த படத்தில் கார்த்திக்கு வில்லனாக அவரின் அண்னன் சூர்யாவையே வில்லனாக நடிக்க வைக்கலாம் என்கிற ஐடியா லோகேஷுக்கு இருக்கிறதாம். ஏற்கனவே விக்ரம் படத்தில் ரோலக்ஸாக கலக்கி இருந்தார் சூர்யா. அந்த வேடத்திலேயே இந்த படத்திலும் நடிக்க வாய்ப்பிருப்பதாக சொல்லப்படுகிறது. அதோடு, கமல்ஹாசன் இந்த படத்தில் விக்ரமாக கேமியோ பண்ணுவார் என்கிறார்கள். அதாவது ரசிகர்கள் அழைக்கும் LCU இந்த படத்தில் இருக்கிறது.

விக்ரம் படத்தில் வந்த ரோலக்ஸ் கதாபாத்திரம் ரசிகர்களிடம் வரவேற்பை பெற்றதையடுத்து அந்த கதாபாத்திரத்தை மையமாக வைத்து லோகேஷ் ஒரு தனிப்படம் எடுக்க வேண்டும் என ரொம்ப நாட்களாகவே சூர்யா ரசிகர்கள் கேட்டு வருகிறார்கள். எனவே, அவர்களின் ஆசை நிறைவேறும்படி கைதி 2-வில் சூர்யாவை ரோலக்ஸ் நடிக்க வைக்க திட்டமிட்டிருப்பதாகவும் சொல்லப்படுகிறது. இது மட்டும் நடந்தால் சூர்யா ரசிகர்களுக்கு செம கொண்டாட்டம்தான்!..