உலகமே அதிசயத்து பார்க்கும் அளவுக்கு தன்னுடைய மகன் திருமணத்தை மிக பிரம்மாண்டமாக நடத்திக் கொண்டு வருகிறார் மிகப் பெரிய தொழிலதிபரான முகேஷ் அம்பானி. தன்னுடைய மகன் ஆனந்த் அம்பானியின் திருமணம் இன்று மும்பையில் பெரிய அளவில் மிக பிரம்மாண்டமாக நடந்து வருகிறது.
பல்வேறு கொண்டாட்டங்கள் சடங்குகளுக்கு பின்னர் இன்று அவருடைய மகன் திருமணம் மும்பையில் உள்ள ஜியோ உலக மாநாட்டு மையத்தில் நடைபெற்று வருகிறது. ஏற்கனவே இதற்கு முன் நடந்த நிச்சயதார்த்த விழாவும் மிகப்பெரிய அளவில் நடத்தி காட்டி இருந்தார் முகேஷ் அம்பானி.
கிட்டத்தட்ட ஒரு வார காலமாக இதற்கான கொண்டாட்டங்கள் படு பயங்கரமாக நடந்து வருகின்றன. இந்த திருமணத்தில் பல்வேறு மாநில முதல்வர்கள், உலகத் தலைவர்கள், பாலிவுட் பிரபலங்கள், கிரிக்கெட் பிரபலங்கள் என அனைவரும் கலந்து கொண்டனர்.
![](https://cinereporters.com/h-upload/2024/07/12/26079-priya.webp)
தமிழ் சினிமாவிலிருந்து இயக்குனர் அட்லி மற்றும் சூப்பர் ஸ்டார் ரஜினிகாந்த் இவர்கள் மட்டுமே அம்பானி இல்ல திருமண விழாவில் கலந்து கொண்டிருக்கின்றனர். ரஜினிகாந்த் தன்னுடைய மனைவி லதா மற்றும் இளைய மகள் சௌந்தர்யா குடும்பத்துடன் கலந்து கொண்ட வீடியோ தற்போது இணையத்தில் வைரலாகி வருகின்றது.
இதற்கிடையில் அட்லீயின் ஒரு புகைப்படம் இணையத்தில் வைரலாகி பெரும் சர்ச்சையை கிளப்பியுள்ளது. அதாவது அட்லீ தன்னுடைய காதல் மனைவியான ப்ரியா அட்லியுடன் முகேஷ் அம்பானி இல்ல திருமண விழாவில் கலந்து கொண்டார். அப்போது பிரியா அட்லி தான் அணிந்திருந்த பிளவுஸ் ஜாக்கெட்டின் பின்புறம் Anand’s Brigade என பொறிக்கப்பட்ட ஆரி ஒர்க் பிளவுஸ் உடன் வந்திருந்தார் பிரியா அட்லி.
இதை அட்லீ அதை குறித்துக் கொள்ளும் விதமாக தன்னுடைய மனைவியின் முதுகை காட்டச் சொல்லி புகைப்படத்திற்கு போஸ் கொடுத்திருந்தார். அந்த ஒரு புகைப்படம் தான் இப்போது வைரலாகி வருகின்றது. இதை பார்த்த நெட்டிசன்கள் அட்லியை கடுமையாக விமர்சித்து வருகிறார்கள்.