லோகேஷ் - ராகவா லாரன்ஸ் படத்திற்கு இப்படி சிக்கலா?!.. எல்லாம் விதி!.. பரபர அப்டேட்!..

Lokesh kanagaraj: ஒரு பாடலில் நடனமாடும் நடிகராக சினிமாவுக்குள் நுழைந்தவர்தான் ராகவா லாரன்ஸ். இவர் தீவிர ரஜினி ரசிகர். ஒரு படப்பிடிப்பில் ரஜினியிடம் தன்னை அறிமுகம் செய்து கொண்டு நடனமாடி காட்டினார். உடனே, பிரபுதேவாவை தொடர்பு கொண்டு ’நான் ஒரு பையனை அனுப்புறேன். உங்கள் டீமில் வைத்துக்கொள்ளுங்கள்’ என ரெக்கமெண்ட் செய்தார் ரஜினி.

ரஜினியே சொல்லிவிட்டதால் லாரன்ஸை தனது குழுவில் சேர்த்துக்கொண்டார் பிரபுதேவா. இப்படி சினிமாவில் நுழைந்தவர்தான் ராகவா லாரன்ஸ். அஜித் ஹீரோவாக நடித்த அமர்க்களம் படத்தில் ‘காலம் கலி காலம் ஆகிப்போச்சிடா’ என்கிற பாடலுக்கு நடனமாடியிருப்பார் லாரன்ஸ். அஜித் அதை பெருந்தன்மையாக அனுமதித்தார்.

அதன்பின் சில படங்களில் நடனமாடிவிட்டு கதாநாயகனாக நடிக்க துவங்கினார். சில படங்கள் ஹிட் அடித்தது. ஒரு கட்டத்தில் அவரே இயக்குனராக மாறினார். லாரன்ஸ் இயக்கி நடித்த முதல் திரைப்படம் முனி. இந்த படத்தின் தொடர்ச்சியாகவே காஞ்சனா, காஞ்சனா 2, காஞ்சனா 3 ஆகிய படங்களை லாரன்ஸ் எடுத்தார்.

இந்த எல்லா படங்களுமே சூப்பர் ஹிட் அடித்தது. காஞ்சனா சீரியஸ் படங்கள் நன்றாக ஓடவே மற்ற இயக்குனர்களும் லாரன்ஸை வைத்து படம் இயக்க முடிவெடுத்தனர். இப்போது அப்படி சில படங்களில் நடித்து வருகிறார். அப்படி துவங்கிய திரைப்படம்தான் பென்ஸ்.

இயக்குனர் லோகேஷ் கனகராஜ் எழுதிய கதை, திரைக்கதையை ரெமோ பட இயக்குன்ர் பாக்கியராஜ் கண்ணன் இயக்குவதாக அறிவிக்கப்பட்டது. ஆனால், அறிவிப்பு வெளியாகி 5 மாதங்களுக்கு மேல் ஆகியும் படப்பிடிப்பு துவங்கப்படவில்லை. இந்த படத்தில் பிரியங்கா மோகன் நடிக்கவிருப்பதாகவும் அறிவிக்கப்பட்டது.

ஆனால், இந்த படம் பற்றி ஒரு அப்டேட்டும் வெளியாகவில்லை. இந்நிலையில், இந்த படம் டிராப் ஆகிவிட்டதாக இப்போது செய்திகள் வெளியாகியுள்ளது. ராகவா லாரன்ஸ் வெவ்வேறு படங்களில் நடித்து வருவதால் இந்த படத்திற்கு அவரால் கால்ஷீட் கொடுக்க முடியாமல் போயிருக்கும் என கணிக்கப்படுகிறது.