அஜித் மாதிரியே சிம்புவுக்கும் கிடைச்சிருக்கு! god's கிஃப்ட்தான்.. ஞானவேல்ராஜா சொன்ன விஷயம்

ட்ரோலுக்கு ஆளான ஞானவேல்ராஜா:

தமிழ் சினிமாவின் ஒரு தவிர்க்க முடியாத தயாரிப்பாளராக மாறி இருக்கிறார் ஞானவேல் ராஜா. சூர்யாவுக்கு மிகவும் நெருக்கமான நண்பர். அவருக்கு மட்டுமல்ல சூர்யாவின் குடும்பத்திற்கே நெருக்கமான ஒரு நபர்தான் ஞானவேல் ராஜா. சூர்யா மற்றும் கார்த்தி ஆகிய இருவரின் படங்களை பெரும்பாலும் தயாரிப்பதும் இவர்தான். கங்குவா திரைப்படத்தை மிகப்பெரிய பொருள் செலவில் எடுத்து அந்த படத்தின் இசை வெளியீட்டு விழாவில் படத்தைப் பற்றி பெரிய அளவில் பேசி பேசி ஒரு ஹைப்பை ஏற்றி கடைசியில் மிகப்பெரிய ட்ரோலுக்குஆளாகினார் ஞானவேல் ராஜா.

கணக்கிட முடியாத லவ்:

இந்த நிலையில் அஜித் மற்றும் சிம்பு ஆகிய இருவரை பற்றி அவர் பேசிய ஒரு விஷயம் சமூக வலைதளங்களில் வைரலாகி வருகின்றன. குறிப்பாக அஜித் ரசிகர்களை பற்றி பெருமையாக பேசி இருக்கிறார் ஞானவேல் ராஜா .அஜித் ரசிகர்கள் அவர் மீது வைத்திருக்கும் லவ் எப்படிப்பட்டது என்று சொல்ல முடியாது .அதை நம்மால் கணக்கிட கூட முடியாது. அந்த அளவுக்கு ஒரு லவ் வைத்திருக்கிறார்கள் .

கடவுளின் ஆசி:

நான் ஒரு ஜிம்முக்கு போவேன். அங்கு இருக்கும் ஒரு ட்ரெய்னர் என்னிடம் வந்து தினமும் அடுத்த படம் கண்டிப்பாக ஹிட்டு தானே சார் என அஜித் படத்தை பற்றி கேட்டுக்கொண்டே இருப்பார். அந்த அளவுக்கு அஜித்தை தன் குடும்பத்தில் இருக்கும் ஒருவராக ரசிகர்கள் பார்த்து வருகிறார்கள். அதே மாதிரி தான் சிம்புவின் ரசிகர்களும் சிம்பு மீது அதிக அளவு அன்பையும் பாசத்தையும் வைத்திருக்கிறார்கள். இது கடவுளின் ஆசிதான் என ஞானவேல் ராஜா கூறியிருக்கிறார்.

அந்த பழக்கமே கிடையாது:

இவர் சொல்வதைப் போல விஜய்க்கு ரசிகர்கள் இருக்கிறார்கள் என்றால் ரசிகர் மன்றங்களை வைத்து அந்த ரசிகர் மன்றத்திற்கு விஜய் அவரால் முடிந்த ஏதாவது உதவிகளை செய்கிறார். அவ்வப்போது தன்னுடைய ரசிகர்களை சந்திக்கிறார். புகைப்படங்கள் எடுக்கிறார். அந்த ஒரு அன்பினால் கூட அவருக்கு ஏகப்பட்ட ரசிகர்கள் உருவாகி இருக்கலாம். ஆனால் அஜித்தை பொருத்தவரைக்கும் ரசிகர் மன்றத்தையே கலைத்து இதுவரை தனியாக ரசிகர்கள் சந்திப்பு கூட்டம் என்று அவர் நடத்தியதே கிடையாது.

என் தல போல வருமா?:

ரசிகர்களுடன் போட்டோ எடுக்கும் பழக்கமும் அவருக்கு கிடையாது. அப்படி இருந்தும் என் தல போல வருமா என ஒவ்வொரு ரசிகரையும் சொல்ல வைக்கிறார் என்றால் இது எப்பேர்பட்ட லவ் என்று தெரியாது. உள்ளூர் மட்டுமல்ல வெளிநாடுகளில் எங்கு போனாலும் அவரைப் பார்க்க ஒரு கூட்டம் கூடி விடுகிறது. அவருடன் சேர்ந்து புகைப்படத்தை எடுக்க ஆர்வமாக வரிசையில் காத்துக் கொண்டிருக்கின்றனர்.

அவர் நடித்த படம் ஹிட்டோ தோல்வியோ அதைப் பற்றி எல்லாம் அவர்களுக்கு கவலை கிடையாது .அஜித்தை திரையில் பார்க்கிறோம். அவரைக் கொண்டாடுகிறோம். அவ்வளவுதான் என ஒவ்வொரு ரசிகரும் அஜித்தை கொண்டாடி வருகின்றனர். இப்படி உள்ள ரசிகர்கள் தான் சிம்புவுக்கு ரசிகர்களாக இருக்கின்றனர் என்பதை சொல்ல வருகிறார் ஞானவேல் ராஜா.