10 படத்துல 3 படம் இந்த நடிகரோடதான்.. ஃபுல் ஃபார்மில் இருக்கும் ஐசரி கணேஷ்

தமிழ் சினிமாவில் முன்னணி தயாரிப்பு நிறுவனமாக திகழ்வது ஐசரி கணேஷின் வேல்ஸ் இண்டர்நேஷனல் பிலிம்ஸ் நிறுவனம் தான். இந்த நிறுவனம் மூலம் ஏராளமான படங்கள் வெளியாகிக் கொண்டு வருகின்றன. வரிசையாக பல முன்னணி நடிகர்களை வைத்து பல படங்களை தயாரித்து வெளியிட்டு வருகிறது. இந்த நிலையில் வேல்ஸ் பிலிம்ஸ் நிறுவனம் அடுத்த இரண்டு ஆண்டுகளில் 10 படங்களை தயாரிக்க போவதாக ஒரு பெரிய லிஸ்டையே வெளியிட்டிருக்கிறது.

அந்த பத்து படங்களையும் எந்தெந்த இயக்குனர்கள் இயக்கப் போகிறார்கள் என்பது முதற்கொண்டு வெளியாகியிருக்கிறது. சுந்தர். சி, கௌதம் மேனன், வெற்றிமாறன், மாரி செல்வராஜ், பிரேம் குமார், ஜூட் அந்தோணி, அருண் ராஜா காமராஜ், விக்னேஷ் ராஜா, என். செல்லா அய்யாவு, மற்றும் கணேஷ் பாபு ஆகியோர்தான் ஐசரி கணேஷ் தயாரிக்க போகும் படங்களை இயக்கும் இயக்குனர்கள்.

இந்த நிலையில் இன்று ஒரு விழா மேடையில் ஐசரி கணேஷ் பேசும் போது ‘பத்துப் படங்களை தயாரிக்க போவதாக கூறியிருந்தேன். அதில் மூன்று படங்களை நடிகர் விஷ்ணு விஷாலுடன் இணைந்து தயாரிக்க போகிறேன்’ என்று கூறியிருக்கிறார். விஷ்ணு விஷால் ஸ்டூடியோஸ் என்ற பெயரில் விஷ்ணு விஷாலும் ஏற்கனவே படங்களை தயாரித்து வருகிறார்.

அதனால் அவருடன் இணைந்து ஐசரி கணேஷ் மூன்று படங்களை தயாரிக்க போகிறாராம். அதில் பேச்சுலர் இயக்குனர் சதீஷுடன் ஒரு படம், அருண்ராஜா காமராஜா இயக்கத்தில் ஒரு படம், செல்லா அய்யாவு இயக்கத்தில் கட்டா குஸ்தி 2 படம் என மூன்று படங்களை ஐசரி கணேஷும் விஷ்ணு விஷாலும் சேர்ந்தே தயாரிக்க போவதாக ஐசரி கணேஷ் தெரிவித்திருக்கிறார்.

இதில் அஜித் ஆதிக் கூட்டணியில் உருவாகும் படத்தையும் ஐசரி கணேஷ்தான் தயாரிக்க போகிறார் என்ற ஒரு தகவல் வெளியாகிக் கொண்டு வந்தன. ஆனால் ஐசரி கணேஷ் லிஸ்ட்டில் அஜித் படமே இல்லை என்பது குறிப்பிடத்தக்கது.