Cinema News
யாரோ செஞ்ச தவறால் மாட்டிக்கிட்டு முழிக்கும் சிறுத்தை சிவா.. கை கொடுப்பாரா விஜய் சேதுபதி?
இயக்குனர் சிறுத்தை சிவா :
நடிகர் கார்த்தியை வைத்து சிறுத்தை என்ற படத்தை இயக்கியதின் மூலம் கோலிவுட்டில் அறிமுகமானார் சிவா. இந்த படம் ரசிகர்களிடையே நல்ல வரவேற்பை பெற்றதால் இவர் சிறுத்தை சிவா என்று அழைக்கப்பட்டார். அதன் பிறகு தெலுங்கு படங்களில் பிஸியாக இருந்தாலும் தமிழில் அஜித்துடன் வீரம் படத்தின் மூலம் இன்னும் தமிழ் ரசிகர்களுக்கு பரிச்சயமானார்.
அஜித் கொடுத்த நம்பிக்கை :
இந்த படம் மாபெரும் வெற்றி அடைந்ததை அடுத்து அஜித் மீண்டும் சிவா உடன் கூட்டணி வைத்து ’வேதாளம்’ படத்தில் இருவரும் மாஸ் வெற்றியை பதிவு செய்தார்கள். அதன் பிறகு மீண்டும் இவர்கள் கூட்டணி தொடர்ந்தது. அடுத்து வெளியான ’விவேகம்’ திரைப்படம் கலவையான விமர்சனங்களை பெற்று தோல்வியை கொடுத்தது.
கொஞ்சமும் மனம் தளராத அஜித் என்னுடைய அடுத்த படத்தையும் சிவா தான் இயங்கப் போகிறார் என்று அறிவிப்பு கொடுத்தார். தொடர்ந்து சிவா அஜித் படத்தை இயக்கி வந்ததால் ரசிகர்களும் சிறிது கடுப்பில் இருந்தனர். அஜித்துக்கு வேற டைரக்டரே கிடைக்கலையா? இதோட அஜித் கதையை சிவா முடிக்க போறார் என்று பல விமர்சனங்கள் எழுந்து வந்தது.
ரெக்கார்ட் பிரேக் கலெக்சன் :
இம்முறை ’விஸ்வாசம்’ திரைப்படத்திற்காக இணைந்த இந்த கூட்டணி negative review சொன்னவர்களுக்கு பக்காவாக பதிலடி கொடுக்கும் வகையில் இந்த படம் இருந்தது. அந்த காலகட்டத்தில் இந்தப் படம் தமிழ் சினிமாவில் புதிய வசூல் சாதனை படைத்தது. அதன் பிறகு சிவா ரஜினியுடன் இணைந்தார். இவர்கள் கூட்டணியில் உருவான ’அண்ணாத்த’ திரைப்படம் மோசமான விமர்சனங்களை பெற்று தோல்வியை சந்தித்தது.
தொடர் தோல்வியால் கவலைக்கிடம் :
- அதன் பிறகு சூர்யாவுடன் இணைந்து ’கங்குவா’ திரைப்படத்தை இயக்கினார். சிறுத்தை சிவா படம் இயக்கத் தெரியாத ஒரு போல் இந்த படத்தை எடுத்துள்ளார். என்று மோசமான விமர்சனங்களை பெற்று படம் படுதோல்வி அடைந்தது. இரண்டு தோல்வி படங்களை கொடுத்த சிறுத்தை சிவா அதன் பிறகு தமிழ் சினிமாவில் அட்ரஸ் இல்லாமல் போனார்.
- இவருக்கு மீண்டும் அஜித்தான் கை கொடுத்து தூக்கிட வேண்டும் என்று ஒருபுறம் அஜித் ரசிகர்கள் கூவிக் கொண்டிருக்கின்றர். இந்நிலையில் சிறுத்தை சிவா அடுத்ததாக விஜய் சேதுபதியுடன் இணையப் போகிறார் என்ற தகவல்கள் பரவி வருகிறது. அதற்காக கதை சொல்லப் போன இடத்தில் இருவருக்கும் சில முரண்பாடுகள் இருந்ததாக கோலிவுட் வட்டாரத்தில் கிசுகிசுக்கப்பட்டது.
- இந்நிலையில் மூத்த பத்திரிகையாளரும் சினிமா விமர்சகருமான வலைப்பேச்சு அந்தணன் சிவாவின் தற்போதைய நிலைமை பற்றி கூறியுள்ளார் அதில்,” சிறுத்தை சிவா தமிழ் சினிமாவை பொருத்தவரைக்கும் ஒரு நல்ல டைரக்டர் தான். கடைசியாக வெளியான இரு படங்களும் சரியாக ஓடவில்லை என்பதால் அவரை நாம் மட்டம் தட்ட முடியாது.
- அண்ணாத்த படத்தில் நிறைய பிரச்சனை இருந்தது, அப்பொழுது ரஜினி உடல்நிலை சரியில்லாமல் இருந்தார். இதனால் இந்த படத்தை தயாரித்த சன் பிக்சர்ஸ் நிறுவனம் இந்த படம் பிளாப்பானாலும் பரவாயில்லை. ரஜினி சாரை பத்திரமாக பாத்துக்கோங்க அப்படின்னு சொல்லி இருக்காங்க. அதனால சிவா அவர் நினைத்த படத்தை எடுக்க முடியவில்லை அதனால் அந்த படம் தோல்வி அடைந்தது.
கை கொடுப்பாரா விஜய் சேதுபதி? :
கங்குவா படத்தைப் பொறுத்தவரை இரைச்சல் அதிகமானது தான் காரணம். அதற்கு ஒரு சரியான sound mixing செய்பவரை நியமித்திருந்தால் அந்த படம் இந்த பிரச்சனையை சந்தித்திருக்காது. வேறு ஏதும் குறைகளை அந்த படத்தில் சொல்லி இருக்க மாட்டார்கள். அதனால் யாரோ சில பேர் செய்த தவறினால் சிறுத்தை சிவா மாட்டிக் கொண்டு முழிக்கிறார் என்றுதான் நினைக்கிறேன்.
தற்போது விஜய் சேதுபதி உடன் இணை உள்ளார் என்ற தகவல் வருகிறது. கண்டிப்பாக இதில் எந்த பிரச்சனையும் வராது நினைத்த படத்தை எடுக்க முடியும். அதனால் சிறுத்தை சிவாவிற்கு கூடிய சீக்கிரமே விடிவுகாலம் பிறக்கும் என்று நம்பலாம். என்று கூறியுள்ளார்.
