சிவக்குமாரின் மகன்கள் சூர்யா மற்றும் கார்த்தி. சூர்யா நேருக்கு நேர் படம் மூலம் சினிமாவில் நடிக்க துவங்கியவர் சூர்யா. அதன்பின் சாக்லேட் பாயாக சில படங்களில் நடித்தார். பெரிதாக ஒர்க் அவுட் ஆகவில்லை. கௌதம் மேனன் இயக்கத்தில் பக்கா ஆக்சன் ஹீரோவாக நடித்த காக்க காக்க திரைப்படம் சூர்யாவுக்கு ஒரு மார்க்கெட்டை உருவாக்கியது.
பாலாவின் இயக்கத்தில் நடித்த நந்தா மற்றும் பிதாமகன் ஆகிய 2 படங்களும் சூர்யாவுக்கு கை கொடுக்க ரசிகர்களிடம் பிரபலமானார். அதன்பின் பல இயக்குனர்களின் படங்களிலும் நடித்து முன்னணி நடிகராக மாறினார். ஒருபக்கம், அவரின் தம்பி கார்த்தி பருத்திவீரன் படம் மூலம் சினிமாவில் அறிமுகமானார்.
முதல் படமே சூப்பர் ஹிட் ஆனது. அதன்பின் பையா படமும் வெற்றி. எனவே, தொடர்ந்து படங்களில் நடிக்க துவங்கினார். ஜப்பான் அவரின் 25வது திரைப்படமாகும். இப்போது சர்தார் 2 படத்தில் நடித்து வருகிறார். அண்ணன் சிங்கம் படத்தில் நடித்தால் கார்த்தி சிறுத்தையாக வந்து மிரட்டினார்.
![](https://cinereporters.com/h-upload/2024/07/22/26462-kanguva.webp)
ஆனால், இத்தனை வருடம் ஆகியும் அண்ணன் – தம்பி இருவரும் இணைந்து எந்த திரைப்படத்திலும் நடிக்கவில்லை. செய்தியாளர் சந்திப்பில் பலமுறை இந்த கேள்வி கேட்கப்பட்டது. நல்ல கதை அமைந்தால் செய்வோம் என இருவரும் சொல்லி வந்தனர். தற்போது அதற்கான நேரம் கசிந்திருக்கிறது.
சூர்யா நடித்து வரும் கங்குவா படத்தின் இறுதியில் ஒரு கேமியோ வேடத்தில் வருகிறாராம் கார்த்தி. சில நிமிட காட்சிகள் என்றாலும் அது சிறப்பாக இருக்கும் என சொல்லப்படுகிறது. மேலும், கங்குவா படம் 2 பாகங்களாக உருவாகவிருக்கிறது. 2ம் பாகத்தில் சூர்யாவுக்கு டஃப் கொடுக்கும் அசத்தல் வில்லனாகவும் கார்த்தி நடிக்கவிருப்பதாக சொல்லப்படுகிறது.
கங்குவா படத்தில் கார்த்தி நடிக்கவுள்ள காட்சிகள் விரைவில் எடுக்கப்படவுள்ளது. சர்தார் 2 பட இடைவெளியில் கங்குவா படத்தில் கார்த்தி நடித்து கொடுப்பார் என எதிர்பார்க்கப்படுகிறது. எப்படியோ சூர்யாவும், கார்த்தியும் இணைந்து ஒரு படத்தில் நடிப்பது அவர்களின் ரசிகர்களை குஷிப்படுத்தி இருக்கிறது.