ஓவர் பிஸியில் இருக்கும் போது இது தேவையா? லோகேஷ் கனகராஜ் முடிவால் கடுப்பில் ரஜினி ரசிகர்கள்…

Lokesh Kanagaraj: பிரபல இயக்குனர் லோகேஷ் கனகராஜ் இயக்கத்தில் உருவாகி வரும் கூலி படத்தின் ரிலீஸ் நெருங்கி கொண்டு இருக்கிறது. இந்நிலையில் திடீரென லோகேஷ் முடிவு ரஜினி ரசிகர்களுக்கு கடுப்பை கிளப்பி இருக்கிறது.

தமிழ் சினிமாவில் தான் 10 படம் மட்டுமே இயக்குவேன் என லோகேஷ் கனகராஜ் அறிவித்து இருந்தார். முதல் முறையாக அவர் இயக்கத்தில் வெளியான மாநகரம் நல்ல வரவேற்பை பெற்றது.

அதை தொடர்ந்து கார்த்தியை வைத்து கைதி படத்தினை இயக்கினார். படம் தாறுமாறு ஹிட் அடித்தது. இதனால் லோகேஷிற்கு பிடித்த நடிகர் கமல்ஹாசனை வைத்து இயக்க முடிவெடுத்தார். இதையடுத்து அப்படமும் கமல் கேரியரையே மாற்றியது.

படம் பெரிய அளவில் வசூல் குவித்தது. தொடர்ந்து விஜயை வைத்து மாஸ்டர், லியோ படங்களை இயக்கினார். இதையடுத்து சூப்பர்ஸ்டார் ரஜினிகாந்தின் கூலி படத்தினை இயக்கி வருகிறார். படத்தில் ஏகப்பட்ட பிரபலங்கள் இணைந்து இருப்பதாக அறிவிக்கப்பட்டுள்ளது.

இதனால் ஜெயிலர் படத்தினை போல இப்படத்திற்கு பெரிய வரவேற்பு ரசிகர்களிடம் நிலவி வருகிறது. வரும் ஆகஸ்ட் மாதம் வெளியாகும் இப்படத்தின் வேலைகளும் விறுவிறுப்பாக நடந்து வருகிறது. இதனை தொடர்ந்து லோகேஷ் கைதி2, அமீர்கானுடன் ஒரு படம் உள்ளிட்ட நான்கு படங்களை இயக்க இருக்கிறார்.

இந்நிலையில் லோகேஷ் கனகராஜ் ஹீரோவாக ஒரு படத்திலும் நடிக்க இருப்பதாக தகவல்கள் வெளியாகி இருக்கிறது. இப்படத்தினை கேப்டன் மில்லர் படத்தை இயக்கிய அருண் மாதேஸ்வரன் இயக்க இருப்பதாக கூறப்பட்டு வருகிறது.

தற்போது கூலி வேலைகள் நடந்து வரும் நிலையிலும் லோகேஷ் கனகராஜ் பேங்காக் சென்று இருக்கிறார். அங்கு படத்தின் ஸ்க்ரிப்ட் பணிகளை அருண் மாதேஸ்வரனுடன் லோகேஷ் செய்ய இருப்பதாக தகவல்கள் வெளியாகி இருக்கிறது.

இப்படத்தினை பெரிய தயாரிப்பு நிறுவனம் தயாரிக்க இருப்பதாகவும் கூறப்பட்டுள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகலாம் எனவும் தெரிவிக்கப்பட்டுள்ளது.