ரவி மோகனும் யோகிபாபுவும் செம வைப்!.. An Ordinary Man புரோமோ வீடியோ ரிலீஸ்!..

An Ordinary Man: தமிழ் சினிமாவில் பல திரைப்படங்களில் நடித்தவர் ஜெயம் ரவி. துவக்கத்தில் அண்ணன் ராஜா இயக்கத்தில் தெலுங்கு டப்பிங் படங்களில் நடித்து வந்த ரவி ஒரு கட்டத்தில் மற்ற இயக்குனர்களில் இயக்குனர்களின் படங்களிலும் நடித்து மெருகேறினார். அதோடு சமீபத்தில் தனது பெயரை ரவி மோகன் என மாற்றிக்கொண்டார். கடந்த 22 வருடங்களாக பல திரைப்படங்களிலும் நடித்து வந்த இவர் சமீபத்தில் ரவி மோகன் ஸ்டுடியோஸ் என்கிற பெயரில் ஒரு தயாரிப்பு நிறுவனத்தையும் துவங்கினார் இந்த விழாவை தடபுடலாக நடத்தி கோலிவுட்டை ஆச்சரியப்பட வைத்தார்.

இவரின் தயாரிப்பு நிறுவனம் இப்போது இரண்டு படங்களை தயாரிக்கிறது. அதில் ஒன்று ‘புரோ கோட்’. இந்த படத்தில் ரவி மோகன், எஸ்ஜே சூர்யா ஆகியோர் முக்கிய வேடத்தில் நடிக்கிறார்கள். சில நாட்களுக்கு முன்பு இப்படத்தின் புரோமோ வீடியோவும் வெளியாகி ரசிகர்களிடம் வரவேற்பை பெற்றது.

அடுத்து யோகிபாபு கதையின் நாயகனாக நடிக்கும் An Ordinary Man என்கிற படத்தை ரவி மோகனே இயக்கவிருக்கிறார். இந்நிலையில் இன்று ரவியின் பிறந்தநாள் என்பதால் இந்த படத்தின் புரோமோ வீடியோவை தற்போது வெளியிட்டுள்ளனர். வீட்டின் மொட்டை மாடியில் நிற்கும் ரவியிடம் யோகி பாபு பேசுவது போலவும் படத்தின் கதை வசனங்கள் தயாராக இருந்தாலும் உங்களை எந்த கதாபாத்திரத்தில் நடிக்க வைப்பது என்பது தெரியவில்லை. எனவே உள்ளே போய் அங்கே இருக்கும் டிரெஸ்களை ஒன்று ஒன்றாக போட்டு வாருங்கள். நான் கேரக்டரை கண்டுபிடிக்கிறேன்’ என ரவி சொல்ல யோகிபாபு அதை செய்கிறார்.

எதிலுமே ரவிக்கு திருப்தி இல்லாமல் நிற்க கடைசியாக லுங்கி பனியனோடு யோகிபாபு பாயை விரித்து படுக்கப்போக அதை பார்த்தவுடன் ரவிக்கு பொறி தட்டுவது போல இந்த புரரோமோ வீடியோவை அமைத்திருக்கிறார்கள். கண்டிப்பாக இந்த புரோமோ வீடியோ ரசிகர்களிடம் எதிர்பார்ப்பை அதிகரிக்கும் என்று கருதப்படுகிறது.

சிவா

முதுகலை பட்டதாரியான இவர் 12 ஆண்டுகளாக பணியாற்றிய அனுபவம் கொண்டவர். சினிமா, அரசியல்,வணிகம் மற்றும் சமூகம் சார்ந்த கட்டுரைகளை வழங்கி வருகிறார். தற்போது கடந்த 12 ஆண்டுகளாக சினி ரிப்போர்டஸ் தளத்தில் செய்தி ஆசிரியராக பணியாற்றி வருகிறார்.

See Full Bio