ரஜினியை பழிதீர்த்த மழை… வேட்டையன் செய்த மோசமான சாதனை… தொடரும் அவலம்?!

Rajinikanth: நடிகர் ரஜினிகாந்தின் சமீபத்திய படங்களின் வசூலில் மழையாக நடக்கும் அதிர்ச்சியான தகவல் வெளியாகி இருக்கிறது.

பொதுவாக சூப்பர்ஸ்டார் ரஜினிகாந்த் தன்னுடைய நடிப்பில் வரிசையாக படங்களில் நடித்துவருகிறார். அதிலும் அவருடைய கடைசி படமான வேட்டையனுக்கு முன்னர் ஜெயிலர் திரைப்படம் நல்ல வசூலை குவித்தது. பல வருடங்கள் கிடைத்த வெற்றி இது.

ஆனால் ரஜினியின் அண்ணாத்த திரைப்படம் விமர்சன ரீதியாக சிக்கியது. அதுமட்டுமல்லாமல் ரஜினியின் பெயருக்காவது வசூல் செய்யும் என எதிர்பார்த்து இருந்த விநியோகிஸ்தர்களுக்கு பெரிய இடியாக மழை அமைந்தது.

அண்ணாத்த திரைப்படமும் மழையால் மக்கள் தியேட்டர் வர முடியாமல் போக முக்கிய இடமான சென்னையில் வசூல் பலமாக அடி வாங்கியது. தற்போது இதே நிலைமைக்கு வேட்டையனும் தள்ளப்பட்டு இருக்கிறது. ரஜினியின் வேட்டையன் திரைப்படம் அக்டோபர் 10ந் தேதி திரைக்கு வந்தது.

சரஸ்வதி பூஜை, ஆயுத பூஜை விடுமுறையை முன்னிட்டு ரிலீஸான இப்படம் வசூலில் நான்கு நாட்களில் 125 கோடி ரூபாய் வசூல் செய்திருந்ததாக லைகா நிறுவனம் அறிவித்தது. இதையடுத்து ரஜினி ரசிகர்கள் கண்டிப்பாக வேட்டையன் கோட் வசூலை முந்தும் என நினைத்திருந்தனர்.

இந்நிலையில் இந்த வாரம் மீண்டும் மழையால் வேட்டையன் படத்துக்கு வேட்டு வைக்கப்பட்டுள்ளது. கடந்த இரண்டு நாட்களாக மழையால் வசூல் பெரிய அளவில் அடி வாங்கி இருக்கிறது. இதனால் மீண்டும் ரஜினியின் படத்துக்கு இந்த நிலைமையா என ரசிகர்கள் கேள்வி எழுப்பி வருகின்றனர்.