Thuglife: எஸ்கேவை முந்திய சிலம்பரசன்… தக் லைஃப் படத்தில் பெத்த கோடி சம்பளமாம்…

Thuglife: தக் லைஃப் திரைப்படத்தில் நடித்து வரும் சிலம்பரசனுக்கு கொடுக்கப்பட்டு இருக்கும் சம்பளம் குறித்த தகவல் கசிந்துள்ளது.

ராஜ்கமல் பிலிம்ஸ் மற்றும் மெட்ராஸ் டாக்கீஸ் நிறுவனம் இணைந்து தயாரித்து இருக்கும் திரைப்படம் தக் லைஃப். இப்படத்தில் கமல்ஹாசன், சிலம்பரசன், அசோக் செல்வன், திரிஷா, அபிராமி உள்ளிட்டோர் முக்கிய வேடத்தில் நடித்து வருகின்றனர்.

படத்தின் டைட்டில் டீசரே பெரிய அளவில் எதிர்பார்ப்பை உருவாக்கி இருந்த நிலையில் படத்தில் முதலில் ஒப்பந்தமான ரவி மோகன், துல்கர் சல்மான் கால்ஷீட் பிரச்னையால் விலகினர். இதை தொடர்ந்து சிலம்பரசன் உள்ளே வந்தார்.

இந்த கூட்டணியும் படத்திற்கு பெரிய அளவில் எதிர்பார்ப்பை உருவாக்கி வைத்திருந்தது. தற்போது இரண்டாவது இன்னிங்ஸில் கெத்து காட்டி வரும் சிலம்பரசன் ஷூட்டிங் புகைப்படங்கள் வெளியாகி வேற லைவ் பரபரப்பை பற்ற வைத்தது.

ஏகப்பட்ட எதிர்பார்ப்புகளுடன் ஷூட்டிங் முடிக்கப்பட்டு படம் தற்போது ஜூன் 5ந் தேதி திரைக்கு வரும் என அறிவிக்கப்பட்டுள்ளது. படக்குழுவும் புரோமோஷன் பணிகளில் ஈடுபட்டு வருகின்றனர்.

இந்நிலையில் இப்படத்தில் நடிகர் சிலம்பரசனுக்கு 40 கோடி வரை சம்பளம் பேசப்பட்டு இருப்பதாக தகவல்கள் வெளியாகி இருக்கிறது. அமரன் படத்தில் நடித்த சிவகார்த்திகேயனுக்கு கமல் தன்னுடைய ராஜ்கமல் மூலம் சம்பளமாக 30 கோடி வரை கொடுத்து இருந்தார் என்பது குறிப்பிடத்தக்கது.

சிம்பு தக் லைஃப் படத்தின் மூலம் தற்போது அவரை முந்தி இருக்கிறார். அவருடைய லைன் அப்பிலும் ஏகப்பட்ட படங்கள் இருப்பதால் சிம்புவின் ஆட்டம் வேற மாதிரி இருக்கும் என ரசிகர்கள் காத்திருக்கின்றனர். அது மட்டுமல்லாமல் இப்படத்தில் இன்னொரு ஹீரோ அசோக் செல்வனுக்கு சம்பளம் ஒரு கோடி வரை பேசப்பட்டு இருப்பதும் குறிப்பிடத்தக்கது.