வித்தியாசமான கெட்டப்பில் வந்த விஜய்ஆண்டனி! களைகட்டும் ‘மார்கன்’ பட டிரெய்லர் வெளியீட்டு விழா
antonyவிஜய் ஆண்டனி நடித்துள்ள மார்கன் திரைப்படத்தின் ட்ரெய்லர் வெளியீட்டு விழா இன்று நடைபெறுகிறது. தமிழ் சினிமாவில் இசையமைப்பாளராக தன்னை பிரபலப்படுத்திக் கொண்ட விஜய் ஆண்டனி சமீப காலமாக ஹீரோவாக பல படங்களில் நடித்து ஒரு தவிர்க்க முடியாத நடிகராகவும் வலம் வந்து கொண்டிருக்கின்றார். இவருடைய நடிப்பில் கடைசியாக வெளியான திரைப்படம் மழை பிடிக்காத மனிதன் .
இது சுமாரான வரவேற்பையே பெற்றது. அதற்கு அடுத்தபடியாக லியோ ஜான் பால் இயக்கத்தில் விஜய் ஆண்டனி மார்கன் என்ற படத்தில் நடிக்கிறார். இவர் இன்று நேற்று நாளை, சூது கவ்வும் போன்ற படங்களில் எடிட்டராக பணியாற்றியவர். இப்போது இயக்குனராக மார்கன் திரைப்படத்தின் மூலம் அறிமுகமாகிறார். இந்த படத்தில் மகாநதி சங்கர், சமுத்திரக்கனி ,பிருத்திகா போன்ற பலர் நடித்துள்ளனர்.
இதில் விஜய் ஆண்டனியின் சித்தப்பா மகன் அஜய் திஷான் வில்லனாக இந்த படத்தின் மூலம் அறிமுகமாக இருக்கிறார். இ்ந்தப் படம் ஜூன் 27ஆம் தேதி ரிலீசாக இருக்கின்றன. இந்த நிலையில் படத்தின் டிரைலர் இன்று நடைபெற இருப்பதால் ஏகப்பட்ட திரை பிரபலங்கள் இந்த விழாவிற்கு வருகை தந்த வண்ணம் இருக்கின்றனர். அதில் விஜய் ஆண்டனி முற்றிலும் வித்தியாசமான கெட்டப்பில் வந்து இறங்கி இருக்கிறார்.
ஒரு பக்கம் கருப்பு நிற பெயிண்டை உடல் முழுவதும் அடித்துக் கொண்டு இந்த ட்ரெய்லரில் வித்தியாசமாக வந்திருக்கிறார் விஜய் ஆண்டனி. இதுவும் படத்திற்கான புரோமோஷன் ஆக பார்க்கப்படுகிறது. படத்திற்கு படம் வித்தியாசமான கெட்டப்பில் நடிக்கும் விஜய் ஆண்டனி இந்தப் படத்திலும் இதுவரை இல்லாத வகையில் புதுவிதமான கெட்டப்பில் வருகிறார்.