வசூல் சாதனை செய்த துரந்தர் 2!.. 24 நாட்களில் செய்த மொத்த கலெக்‌ஷன்!…

துரந்தர் படத்தின் முதல் பாகம் 2025ஆம் வருடம் வெளியானது. இந்த படத்தை ஆதித்யா தார் இயக்கியிருந்தார். மேலும் ரன்வீர் சிங் கதாநாயகனாக நடிக்க அவருக்கு ஜோடியாக சாரா அர்ஜுன் நடித்திருந்தார்.

மேலும் இந்த படத்தில் மாதவன், சஞ்சய் தத், அக்சய் கண்ணா உள்ளிட்ட பலரும் நடித்திருந்தனர். இந்த படம் ரசிகர்களிடம் வரவேற்பை பெற்று 100 கோடி வரை வசூல் செய்தது. இந்நிலையில்தான் துரந்தர் 2 திரைப்படம் துரந்தர் 2 தி ரிவென்ச் என்கிற பெயரில் கடந்த மார்ச் 19ம் தேதி உலகமெங்கும் வெளியானது.

படத்தின் ஹீரோ பாகிஸ்தானில் பிச்சைக்காரன் போல இருந்து இந்தியாவுக்கு உளவாளி வேலை பார்ப்பது போல படத்தை உருவாக்கியிருந்தனர். இந்த படமும் இந்திய ரசிகர்களிடம் வரவேற்பை பெற்று சூப்பர் ஹிட் அடித்திருக்கிறது.

படம் வெளியாகி 24 நாட்கள் ஆகிவிட்ட நிலையில் உலகம் முழுவதும் துரந்தர் 2 திரைப்பம் 1711.98 கோடியை வசூல் செய்து சாதனை படைத்திருக்கிறது. அதிலும் இந்தியாவில் மட்டும் 1297.48 கோடி வசூல் செய்திருக்கிறது. அதோடு சீனா மற்றும் வளைகுடா நாடுகளின் பங்களிப்பின்றி அதிக வசூலை அள்ளிய முதல் இந்திய திரைப்படம் என்கிற பெருமையும் துரந்தர் 2 படத்திற்கு கிடைத்திருக்கிறது. இந்த வெற்றியை படக்குழு கொண்டாடி வருகிறது.