2007ம் ஆண்டு கற்றது தமிழ் படத்தை இயக்கி தமிழ் சினிமாவில் டைரக்டராக அறிமுகமான ராம் இத்தனை ஆண்டுகளில் இதுவரை 4 படங்கள் மட்டுமே எடுத்திருக்கிறார் என்றால் நம்ப முடிகிறதா?.. நீங்கள் நம்பவில்லை என்றாலும் அதுதான் நெசம். அதிலும் ஒவ்வொரு படமும் பொக்கிஷமாக பார்த்துக் கொள்ளப்பட வேண்டிய படம் என்பது மறுக்க முடியாத உண்மை.
கற்றது தமிழ் படத்தில் ஜீவாவையும் அஞ்சலியையும் நடிக்க வைத்திருப்பார். இவர் படங்களில் மட்டுமே அஞ்சலி அவ்வளவு அழகாகவும் நடிக்கத் தெரிந்த நடிகையாகவும் எப்படி மாறுகிறார் என்பதே ஆச்சர்யத்தின் உச்சமாகவே பார்க்கப்படுகிறது.
இதையும் படிங்க: கேப்டன் மறைவிற்கு வந்திருந்தா உயிருக்கு உத்திரவாதம் இருந்திருக்குமா? வடிவேலு பற்றி முத்துக்காளையின் பதில்
கற்றது தமிழ், தங்கமீன்கள், தரமணி, பேரன்பு மற்றும் விரைவில் வெளியாக உள்ள ஏழு கடல் ஏழு மலை என 5 படங்களில் 3 படங்களில் அஞ்சலி நடித்துள்ளார் என்பது குறிப்பிடப்படவேண்டிய விஷயம்.
கடைசியாக பேரன்பு படத்தில் மலையாள நடிகர் மம்மூட்டியை இயக்கி இருந்த ராம் தற்போது மீண்டும் மலையாள நடிகரான நிவின் பாலியை வைத்து ஏழு கடல் ஏழு மலை படத்தை இயக்கியிருக்கிறார். கூடவே அஞ்சலி மற்றும் சூரி உள்ளிட்டோர் நடித்துள்ளனர். அந்த படத்தின் டீசர் காட்சி தற்போது வெளியாகி வைரலாகி வருகிறது.
இதையும் படிங்க: விஜயகாந்துக்கு சொன்ன கதையில் நடித்த அஜித்!.. அவர் மட்டும் நடிச்சிருந்தா கன்பார்ம் ஹிட்டு…
ராம் இயக்கும் படங்கள் எல்லாம் விருது விழாக்களில் சக்கைப் போடு போட்டு ஏகப்பட்ட விருதுகளை குவித்து வருகிறது. இந்த படமும் பல விருது விழாக்களுக்கு அனுப்பப்பட்டு வருகிறது. இந்நிலையில், இந்த படத்தின் டீசரில் “ஒருத்தரை ஒருத்தர் பிரிய ஆயிரம் காரணங்கள் இருக்கும்.. ஒருத்தரோடு ஒருத்தர் சேர்ந்து வர ஒரே ஒரு காரணம் தான் இருக்கும்.. லவ்” என சொல்லும் வசனம் புல்லரிக்க வைக்கிறது.
மேலும், 4000 வருஷத்துக்கு முன்னாடி ராணியாக உன்னைப் பார்த்தேன் என நிவின் பாலி அஞ்சலியிடம் பேசுவது, மற்றும் சூரியிடம் வயது கேட்க அவர் 32 என சொல்ல, எனக்கு 8822 வயது என நிவின் பாலி சொல்வதை எல்லாம் பார்த்தாலே வித்தியாசமான படமாகவே தெரிகிறது. சீக்கிரம் தியேட்டருக்கு வந்தால் ரசிகர்கள் கண்டிப்பாக இந்த தங்கத்தை கொண்டாடி தீர்க்க வேண்டும்.
கடந்த இரண்டு…
நடிகர் அதர்வா…
தமிழ் சினிமாவில்…
இந்த ஆண்டு…
'தங்கச்சிய நாய்…