கள்ளக்காதல் சிட்டுக்குருவி… மெட்டு போட்ட இளையராஜா… வைரமுத்து அடித்த கோல்!

திரைக்கதை மன்னன் பாக்கியராஜ் தமிழ்சினிமா உலகிற்கு கிடைத்த ஒரு பொக்கிஷம். அவரது படங்கள் எல்லாமே ரசிக்கும் விதத்தில் இருக்கும். அப்படித்தான் இந்தப் படம். பேரு சின்னவீடு. கேட்கும்போதே இது அந்த மாதிரியான படமான்னு தோணும். ஆனா கதை அதுதான். ஆபாசம், அருவருப்பு, விரசம் இல்லாமல் சொல்ல வேண்டிய கருத்தை நச்சென்று திரைக்கதையால் சொல்லி இருப்பார் பாக்கியராஜ். படத்திற்கு இசை அமைத்தவர் இளையராஜா. பாடல்கள் எல்லாம் சூப்பர். அந்த வகையில் படத்தில் இடம்பெற்ற சிட்டுக்குருவி வெட்கப்படுது என்ற பாடல் உருவானது எப்படி? வாங்க பார்க்கலாம்.

ரெண்டு சிட்டுக்குருவி பறக்குது. இந்த ரெண்டும் கள்ளக்காதல் சிட்டுக்குருவி. கள்ளக்காதலர்கள் என்ன பண்ணுவாங்கன்னா நேரா போக மாட்டாங்க. ஆள் இருக்கையில ஒதுங்கி ஒதுங்கிப் போவாங்க. கள்ளக்காதலர்கள் எப்படி போவாங்கன்னு இளையராஜா ஒரு மெட்டுப் போட்டுருப்பாரு. அது என்ன பாட்டுன்னா… சின்ன வீடு திரைப்படம். இதுல வரக்கூடிய ”தரத தத்தத் தத்த தரதத் தத்த தத்த தரதத் தத்த…” என்று ஆரம்பிக்கும் இந்த மெட்டு.

போகும்போதே மொத்த மெட்டும் இப்படித்தான் இருக்கும். இதைக் கொண்டு போய் கவிப்பேரரசு வைரமுத்துக்கிட்ட கொடுத்துருக்காங்க. அவர் சொல்லிருக்காரு. இது சிட்டுக்குருவி பறக்குதுக்கான மெட்டான்னு. அப்போ இவரு மனசுல வச்சி ஒரு மெட்டைப் போட்டா, ஒரு பாடலாசிரியரோட நுட்பத்தைக் கவனிச்சிப் பாருங்க. மேற்கண்ட தகவலை பிரபல திரை ஆய்வாளர் ஆலங்குடி வெள்ளைச்சாமி தெரிவித்துள்ளார்.