தினம் தினமும் உன் நெனப்பு!… காந்த குரலால் இழுக்கும் இளையராஜா!… விடுதலை 2 பட பாடல் வெளியீடு!…

விடுதலை 2 படத்திலிருந்து இளையராஜா குரலில் ‘தினம் தினமும் உன் நெனப்பு’ என்ற பாடல் வெளியாகி இருக்கின்றது.

வெற்றிமாறன் இயக்கத்தில் நடிகர் சூரி, விஜய் சேதுபதி நடிப்பில் கடந்த 2023 ஆம் ஆண்டு மார்ச் 31ஆம் தேதி விடுதலை திரைப்படத்தின் முதல் பாகம் வெளியானது. இந்த திரைப்படம் வெளியாகி மிகப்பெரிய வெற்றியை கொடுத்தது. இந்த திரைப்படத்தை ரெட் ஜெயன்ட் மூவிஸ் நிறுவனம் தயாரித்திருந்தது. இந்த படத்திற்கு இளையராஜா இசை அமைத்திருந்தார்.

இதையும் படிங்க: நயன்தாரா திடீர் அறிக்கைக்கு பின்னால் இப்படி ஒரு திட்டமா? ஓ இதான் விஷயமா?

வேல்ராஜ் ஒளிப்பதிவு செய்து இருந்த இப்படம் யாரும் எதிர்பார்க்காத வகையில் ரசிகர்களிடையே மிகப்பெரிய வரவேற்பை பெற்றிருந்தது. இந்த திரைப்படத்தின் அடுத்த பாகத்திற்கான பணிகள் தொடங்கி கடந்த ஒன்றரை ஆண்டுகளாக எடுக்கப்பட்டு வந்தது. படப்பிடிப்பு முடிவடைந்த நிலையில் வரும் டிசம்பர் 20ஆம் தேதி விடுதலை படத்தின் இரண்டாம் பாகம் வெளியாக இருக்கின்றது.

இந்த திரைப்படத்தில் விஜய் சேதுபதி கதாபாத்திரத்தின் பின்புலத்தை முழுமையாக காட்சிப்படுத்தி இருக்கின்றார் இயக்குனர் வெற்றிமாறன். இப்படத்தில் விஜய் சேதுபதிக்கு ஜோடியாக நடிகை மஞ்சு வாரியர் நடித்திருக்கின்றார். இந்த திரைப்படத்திற்கும் இளையராஜா இசையமைத்திருக்கின்றார்.

டிசம்பர் 20ஆம் தேதி இந்த திரைப்படம் வெளியாக இருப்பதால் அதற்கான பணிகள் அனைத்தும் விறுவிறுப்பாக நடைபெற்று வருகின்றன. அண்மையில் இப்படத்தின் டப்பிங் பணிகள் தொடங்கி இருப்பதாக கூறப்பட்டது. இந்த படத்தின் முதல் சிங்கிளான ‘தினம் தினமும்’ என்ற பாடல் இன்று வெளியாகி இருக்கின்றது.

இளையராஜா இசையமைப்பில் முதல் பாகத்தில் இடம் பெற்ற அனைத்து பாடல்களும் ஹிட்டு கொடுத்த நிலையில் இந்த பாடலும் ஹிட் கொடுக்கும் என்று ரசிகர்கள் கூறி வருகிறார்கள். விடுதலை திரைப்படத்தின் முதல் பாகத்தில் நடிகர் சூரி மற்றும் பவானி ஸ்ரீ நடிப்பில் உருவாகி இருந்த ‘வழிநெடுக்க காட்டுமல்லி’ என்ற பாடல் 100 மில்லியன் பார்வையாளர்களை கடந்து யூட்யூபில் சாதனை படைத்திருக்கின்றது.

இதையும் படிங்க: விஜயை பார்த்து கத்துக்கோங்கப்பா! பாடாய்படும் கங்குவா.. வீர வசனம் பேசினா இப்படித்தான்

அதேபோல இளையராஜாவின் காந்த குரலில் உருவாகி இருக்கும் ‘தினம் தினமும் உன் நெனப்பு’ என்ற பாடல் தற்போது வெளியாகி இருக்கின்றது. இதில் விஜய் சேதுபதியும், மஞ்சுவாரியரும் 80’ஸ் கெட்டப்பில் இருக்கிறார்கள். இந்த பாடலும் மிகப்பெரிய வெற்றியை கொடுக்கும். 200 மில்லியன் பார்வையாளர்களை கடந்து சாதனை படைக்கும் என்று ரசிகர்கள் பலரும் கூறி வருகிறார்கள்.