விஜய் அஜித் நடிக்க வேண்டிய படமா அது? உள்ள வந்து குட்டையை குழப்பி கடைசில என்னாச்சு தெரியுமா?

மாஸ் ஹீரோக்கள்: தமிழ் சினிமாவில் உச்ச நட்சத்திரங்களாக இருப்பவர்கள் நடிகர் அஜித் மற்றும் விஜய். சம காலத்தில் இருவரும் ஹீரோவாக நடிக்க ஆரம்பித்து சினிமாவில் தனி முத்திரை பதித்தனர். இருவருக்குள்ளுமே நல்ல ஒரு நட்பும் இருந்து வருகிறது. தொழில் முனையில் இவர்களுக்குள் கடுமையான போட்டியும் நிலவி வருகிறது. அதே சமயம் இருவருக்குமே ரசிகர் பட்டாளம் ஏராளம். விஜய் அஜித் படங்களுக்கு இதுவரை நல்ல ஓப்பனிங் இருந்து வருகிறது.

எத்தனை படங்கள் மிஸ்ஸானது?: சினிமாவை பொறுத்தவரைக்கும் இந்தப் படங்கள் இவருக்காக எழுதியதுதான் என்று எதுவுமே கிடையாது. நினைத்த ஹீரோக்கள் வேறு யாராவது இருப்பார்கள். ஆனால் படத்தில் நடித்தது வேறு ஹீரோக்களாவது இருப்பார்கள். அப்படி அஜித் விஜய் நடிக்க வேண்டிய படங்கள் நிறைய மிஸ் ஆகியிருக்கின்றன. அந்த வகையில் சசி இயக்கத்தில் ஸ்ரீகாந்த் அறிமுகமான திரைப்படமான ரோஜாக்கூட்டம் திரைப்படம் முதலில் விஜய் அஜித் நடிக்க வேண்டியதாம்.

விஜய் அஜித் நடிக்க வேண்டியதா?:ஆரம்பத்தில் இந்தப் படத்தை டபுள் ஹீரோ சப்ஜெக்ட் படமாக எடுக்கத்தான் திட்டமிட்டிருந்தார்களாம். ஆனால் அந்த நேரத்தில் விஜய் அஜித் இருவருமே மிகவும் பிஸியான நடிகர்களாக இருந்ததனால் அவர்களால் நடிக்க முடியாமல் போனதாம். அதன் பிறகு அஜித் நடிக்க வேண்டிய கேரக்டரில் ஜெய் ஆகாஷும் விஜய் நடிக்க வேண்டிய கேரக்டரில் ஸ்ரீகாந்தும்தான் நடித்தார்களாம்.

டபுள் ஹீரோ சப்ஜெக்ட்: இருந்தாலும் ஜெய் ஆகாஷ் தெலுங்கில் கொஞ்சம் பிஸியாக இருந்ததனால் ரோஜாக்கூட்டம் திரைப்படத்தில் கவனம் செலுத்த முடியவில்லையாம். அதனால் இந்தப் படத்தில் ஜெய் ஆகாஷின் கேரக்டரை குறைத்து ஸ்ரீகாந்த் கேரக்டரை மட்டும் லீடாக காண்பித்திருக்கிறார்கள். இல்லையென்றால் இந்தப் படம் கண்டிப்பாக டபுள் ஹீரோ சப்ஜெக்ட் படமாகத்தான் வந்திருக்கும் என ஜெய் ஆகாஷ் கூறினார்.

அதுமட்டுமில்லாமல் அலைபாயுதே படத்திலும் முதலில் ஜெய் ஆகாஷ்தான் நடிக்க வேண்டியதாம். அதற்கான ஆடிசனிலும் ஜெய் ஆகாஷ் கலந்து கொண்டாராம். ஆனால் ஏதோ ஒரு காரணத்தால் அந்தப் படத்தில் நடிக்க முடியாமல் போனதாக ஜெய் ஆகாஷ் கூறினார். இதையெல்லாம் தாண்டி வேடிக்கையான விஷயம் என்னவெனில் இதே போல் கிட்டத்தட்ட 40 திரைப்படங்களின் வாய்ப்பை மிஸ் செய்திருக்கிறாராம் ஜெய் ஆகாஷ்.