ஜி.வி.பிரகாஷ்லாம் இல்லையாம்… ஹீரோ ஜார்ஜ் மரியானாம்! ஹேப்பிராஜைக் கலாய்த்த புளூசட்டைமாறன்!

ஹேப்பிராஜ் படத்தை இயக்குனர் மரியராஜா இளஞ்செழியன் இயக்கியுள்ளார். நேற்று வெளியான இந்தப் படத்தின் விமர்சனம் குறித்து பிரபல யூடியூபர் புளூசட்டைமாறன் என்ன சொல்றாருன்னு பாருங்க.

ஹீரோ ஒரு பொண்ணுக்கிட்ட லவ்வ சொல்றாரு. அந்தப் பொண்ணு உன்னை லவ் பண்ண முடியாது. கல்யாணமும் பண்ண முடியாதுன்னு சொல்லிடுது. காரணம் ஹீரோவோட அப்பா தானாம். அவர் ஒரு பள்ளியில ஹெச்எம்மா இருக்காரு. அவருக்குக் குதிரை மூட்டைன்னு பட்டப்பேரு வச்சிருக்காங்க.

இப்போ அந்தப் பொண்ணு சொல்லுது. உன்னை சின்ன குதிரை மூட்டைன்னு சொல்றாங்க. நான் உன்னைக் கட்டிக்கிட்டா குதிரை மூட்டையோட மருமகள்இ சின்ன குதிரை மூட்டையோட பொண்டாட்டின்னு சொல்வாங்க. இது எனக்கு அவமானமா இருக்கும்னு சொல்லி காதலை நிராகரிக்குது.

இனி இந்த ஊருல நாம இருக்கக்கூடாது. வெளியூருக்குப் போய் நல்ல பொண்ணா பார்த்துக் கட்டலாம்னு போறாரு. போற இடத்துல அங்க ஒரு பொண்ணை செட்டப் பண்ணிடுறாரு. கல்யாணத்துக்கு நிச்சயம் பண்ணும்போது அங்கே குதிரை மூட்டை பிரச்சனை மாதிரி இன்னொரு பிரச்சனை வருது. கல்யாணமே நின்னு போகுது. அதுக்கு அப்புறம் என்னாச்சுங்கறதுதான் கதை.

இந்தக் கதையை ரெண்டரை மணி நேரம் எடுத்து வச்சிருக்காங்க. கதை நல்ல கதைதான். அதை முதல்ல கொஞ்சம் எடுத்து வச்சிட்டு கடைசியில டச் பண்றாங்க. இடையில ரெண்டு மணி நேரம் கொலையா கொல்றாங்க. கடைசியில கொஞ்சம் நல்லாருக்கு. அந்தக் கடைசி கொஞ்ச நேரத்துக்காக உசுர எல்லாம் விட முடியாது. இவங்க எடுத்துக்கிட்ட கதையை இவங்களுக்கே புரியாம எடுத்து வச்சிருக்காங்க.

மையக்கதை நல்லா தான் இருக்கு. அதைக் காமெடியா சொல்றேன்னு பயங்கரமா எரிச்சல் பண்ணிட்டாங்க. இந்தப் படத்தோட ஹீரோ ஜிவி.பிரகாஷ் கிடையாது. ஜார்ஜ் மரியான்தான். அவர் கடைசி கொஞ்ச நேரத்தை எடுத்துக்குறாரு. கடைசி கொஞ்ச நேரத்துக்காக இந்தரெண்டு மணி நேரம் படம் பார்க்க உங்க பாடி தாங்குமான்னு மட்டும் பார்த்துக்கோங்க என்று செம கலாய் கலாய்த்துள்ளார் புளூசட்டை மாறன்.