சொல்ல முடியாது!… விஜய் படத்தின் பார்ட் 2-ல எஸ்கே நடிக்கவும் வாய்ப்பிருக்கு?!… வேற லெவல்!…

விஜய் நடிப்பில் வெளியான துப்பாக்கி திரைப்படத்தின் 2-வது பாகம் எடுத்தால் அதில் சிவகார்த்திகேயன் ஹீரோவாக நடிப்பதற்கு அதிக வாய்ப்பு இருப்பதாக கூறப்படுகின்றது.

தமிழ் சினிமாவில் தற்போது வளர்ந்து வரும் நடிகர்களில் முக்கிய இடத்தில் இருப்பவர் நடிகர் சிவகார்த்திகேயன். இவர் நடிப்பில் வெளியான அமரன் திரைப்படம் இவருக்கு மிகப்பெரிய பேரும், புகழையும் பெற்று கொடுத்திருக்கின்றது. தீபாவளி பண்டிகைக்கு வெளியான இந்த திரைப்படத்தில் ராணுவ வீரர் முகுந்த் வரதராஜன் அவர்களின் கதாபாத்திரத்தை ஏற்று நடித்திருந்தார் சிவகார்த்திகேயன்.

இதையும் படிங்க: Biggboss Tamil: உன் கேரக்டரை பண்ண துப்பு இல்லை… சவுண்ட் சரோஜாவாக மாறிய சவுந்தர்யா… ஆட்டம் பத்திக்கிச்சு…

படம் வெளியானது முதலே திரையரங்குகளில் வெற்றிகரமாக ஓடிக் கொண்டிருக்கின்றது. அமரன் படம் வெளியான முதல் மூன்று நாட்களிலேயே 100 கோடிக்கு மேல் வசூல் செய்த சாதனை படைத்தது. தற்போது வரை உலகம் முழுவதும் 250 கோடிக்கு மேல் வசூல் செய்துள்ளதாக கூறப்படுகின்றது. விரைவில் 300 கோடியை இந்த திரைப்படம் நெருங்கும் என்றும் சினிமா வட்டாரங்களில் கூறி வருகிறார்கள்.

சிவகார்த்திகேயன் கெரியரிலேயே ஒரு முக்கிய படமாக அமரன் திரைப்படம் அமைந்திருக்கின்றது. இதனால் தமிழ் சினிமாவில் மிகப்பெரிய இடத்தை பிடித்திருக்கின்றார். தொடர்ந்து அடுத்தடுத்த திரைப்படங்களில் கமிட்டாகி நடித்து வருகின்றார். தற்போது ஏஆர் முருகதாஸ் இயக்கத்தில் எஸ்கே 23 என்கின்ற திரைப்படத்தில் நடித்து வருகின்றார்.

இதற்கு அடுத்ததாக இயக்குனர் சிபி சக்கரவர்த்தி இயக்கத்தில் பாஸ் என்கிற திரைப்படத்தில் நடிக்க இருக்கின்றார். அடுத்ததாக சுதா கொங்குரா இயக்கத்தில் புறநானூறு என்ற திரைப்படத்திலும் நடிக்க இருக்கின்றார். இது இல்லாமல் வெங்கட் பிரபு, ஹச் வினோத் ஆகியோரின் படங்களிலும் அடுத்தடுத்து நடிக்க இருப்பதாக சினிமா வட்டாரங்களில் கூறப்பட்டுள்ளது.

தற்போது மிகவும் பிஸியான நடிகராக சிவகார்த்திகேயன் இருந்து வருகின்றார். அது மட்டுமில்லாமல் கோட் திரைப்படத்தில் நடிகர் விஜய் சிவகார்த்திகேயனிடம் துப்பாக்கியை கொடுத்ததில் இருந்து பலரும் அடுத்த விஜய் சிவகார்த்திகேயன் தான் என்று கூறி வருகிறார்கள். சிவகார்த்திகேயனை அடுத்த தளபதி, திடீர் தளபதி என்றெல்லாம் சமூக வலைதளங்களில் கூறி வருகிறார்கள்.

இதையும் படிங்க: Sivakarthikeyan: போடு.. எச்.வினோத்தையும் மடக்கி பிடித்த சிவகார்த்திகேயன்.. செம மேட்டரா இருக்கே

மேலும் ஏஆர் முருகதாஸ் அடுத்ததாக துப்பாக்கி 2 திரைப்படத்தை எடுக்க விரும்பினால் நடிகர் விஜய் இல்லாமல் சிவகார்த்திகேயனை வைத்து தான் இப்படத்தை எடுப்பார் என்று வலைப்பேச்சு அந்தணன் தெரிவித்து இருக்கின்றார். மேலும் விஜய் நடிப்பில் வெளியாகி பிளாக்பஸ்டர் ஹிட்டு கொடுத்த துப்பாக்கி திரைப்படம் இன்றோடு வெளியாகி 12 ஆண்டுகளை நிறைவு செய்கின்றது குறிப்பிடத்தக்கது.