குட் பேட் அக்லி ரிலீஸில் ஏற்பட்ட திடீர் குழப்பம்!.. அப்போ பொங்கல் செலிப்ரேஷன்?!.. ஆனா அவங்க ரெடியா இருக்காங்க!..

நடிகர் அஜித்தின் குட் பேட் அக்லி திரைப்படம் பொங்கலுக்கு ரிலீஸாக உள்ளது என்று கூறப்பட்டு வந்த நிலையில் அதில் சில சிக்கல் ஏற்பட்டுள்ளது.

நடிகர் அஜித் தற்போது இரண்டு திரைப்படங்களில் நடித்து வருகின்றார். ஒன்று விடாமுயற்சி மற்றொன்று குட் பேட் அக்லி. விடாமுயற்சி திரைப்படம் கடந்த ஒன்றரை வருடங்களாக எடுக்கப்பட்டு வருகின்றது. லைக்கா நிறுவனம் தயாரித்திருக்கும் இப்படத்தின் படப்பிடிப்பு இன்னும் முடிந்த பாடில்லை. அஜர்பைசானில் ஏற்பட்ட கால சூழ்நிலை மாற்றம் காரணமாக படப்பிடிப்பு தாமதமாகி வருவதாக தொடர்ந்து தெரிவித்து வருகிறார்கள்.

இதையும் படிங்க: 12 வருஷம் ஆச்சி.. மீண்டும் உங்களுடன்!.. விஜயோடு ஒரு மீட்டிங் போட்ட அமரன் பட இயக்குனர்…

விடாமுயற்சி திரைப்படத்தில் நடித்துக் கொண்டிருந்த போதே நடிகர் அஜித் ஆதிக் ரவிச்சந்திரன் இயக்கத்தில் குட் பேட் அக்லி என்ற திரைப்படத்தில் நடிப்பதற்கு கமிட்டாகிவிட்டார். இப்படத்தின் படப்பிடிப்பு விறுவிறுப்பாக நடைபெற்று ஏறத்தாழ முடிவடைந்து விட்டது. இன்னும் ஏழு நாட்கள் மட்டுமே மீதம் இருப்பதாக கூறப்படுகின்றது. அதற்காக இன்று படக்குழுவினர் பல்கேரியா நாட்டிற்கு சென்றிருக்கிறார்கள்.

இத்துடன் படப்பிடிப்பு முடிவடைந்து போஸ்ட் புரொடக்ஷன் பணிகள் தொடங்கும் என்று கூறப்பட்டுகிறது. மேலும் இந்த திரைப்படம் பொங்கலுக்கு வெளியாகும் என்று கூறப்பட்டு வந்த நிலையில் தற்போது புது சிக்கல் ஏற்பட்டிருக்கின்றது. அதாவது இப்படத்தில் இருந்து இசையமைப்பாளர் தேவி ஸ்ரீ பிரசாத் விலகிய நிலையில் ஜிவி பிரகாஷ் இணைந்து இருக்கின்றார்.

veera dheera sooran

இதனால் மீண்டும் படத்தின் பாடல்கள் எடுக்கப்பட்டு பின்னணி இசை சேர்க்கப்பட்டு படம் தயாராக அதற்கு சிறிது நாட்கள் ஆகும் என்று கூறப்படுவதால் பொங்கலுக்கு குட் பேட் அக்லி ரிலீஸ் ஆவது சற்று சந்தேகம்தான் என்கின்ற சூழல் எழுந்துள்ளது. இந்த சூழலை சாதகமாக பயன்படுத்திக் கொள்வதற்கு வீர தீர சூரன் படக்குழுவினர் முடிவு செய்திருக்கிறார்கள்.

ஏற்கனவே இவர்கள் பொங்கல் பண்டிகையை முன்னிட்டு படத்தை ரிலீஸ் செய்வதற்கு முடிவு செய்திருந்த நிலையில் அஜித் திரைப்படம் வருவதால் சற்று பின்வாங்கினார்கள். தற்போது குட் பேட் அக்லி திரைப்படம் வராத பட்சத்தில் விக்ரம் நடிப்பில் உருவாகி இருக்கும் வீர தீர சூரன் திரைப்படத்தை ரிலீஸ் செய்வதற்கு காத்திருக்கிறார்கள்.

இதையும் படிங்க: விஜய்சேதுபதி எடுத்த திடீர் முடிவு!.. அடுத்த படம் அந்த பிரபல இயக்குனருடனா?!.. இதுவும் நாவல் படமா?…

இதற்காக டீசர் அனைத்தையும் ரெடியாக செய்து வைத்திருப்பதாகவும், ஒருவேளை குட் பேட் அக்லி திரைப்படம் வெளியாகாத பட்சத்தில், தாங்கள் தயார் செய்து இருக்கும் டீசரை வெளியிடுவதற்கு காத்திருப்பதாகவும், படத்தை பொங்கலுக்கு ரிலீசாக முடிவு செய்து இருப்பதாகவும் தகவல் வெளியாகி இருக்கின்றது. ஒருவேளை அஜித்தின் குட் பேட் அக்லி திரைப்படம் பொங்கலுக்கு ரிலீசாகும் பட்சத்தில் தங்களது ரிலீஸ் தேதியை மாற்றி வைப்பதற்கு படக்குழுவினர் முடிவு செய்திருக்கிறார்களாம்.