படத்தோட பட்ஜெட்டை ஒரே நாளில் அள்ளிய யூத்!.. புரட்யூசருக்கு காசு கொட்டுதாம்!…

சமீப காலமாக மிகவும் குறைவான பட்ஜெட்டில் எடுக்கப்படும் தமிழ் திரைப்படங்கள் ரசிகர்களிடம் வரவேற்பை பெற்று நல்ல வசூலை பெறுவது அதிகரித்து வருகிறது. டூரிஸ்ட் பேமிலி, குட் நைட், லவ் டுடே போன்ற படங்களில் ரசிகர்களிடம் வரவேற்பை பெற்றது. அந்த வரிசையில் கென் கருணாஸ் இயக்கி நடித்திருக்கும் யூத் திரைப்படமும் தமிழ் சினிமா ரசிகர்களிடம் வரவேற்பை பெற்றிருக்கிறது.

நடிகர் கருணாஷின் மகனான கென் கருணாஸ் வெற்றிமாறன் மற்றும் தனுஷ் ஆகியோரிடம் உதவி இயக்குனராக பணிபுரிந்து இயக்கத்தை கற்றுக்கொண்டார். தனுஷை வைத்து வெற்றிமாறன் இயக்கிய அசுரன் படத்திலில் தனுஷின் மகனாக நடித்திருந்தார். தற்போது இயக்குனராக அவதாரம் எடுத்திருக்கிறார். இவர் இயக்கி நடித்துள்ள யூத் படத்தில் அனிஷ்மா அனில்குமார், தேவதர்ஷினி, நளினி, சுராஜ் வெஞ்சுரமுடு உள்ளிட்ட பலரும் நடித்திருக்கிறார்கள்.

இந்த படத்திற்கு ஜிவி பிரகாஷ் இசையமைத்திருக்கிறார். இந்த படத்திற்கான புரமோ வீடியோக்கள் ரசிகர்களிடம் வரவேற்பை பெற்ற நிலையில் நேற்று படம் வெளியாகி சூப்பர் ஹிட் அடித்திருக்கிறது.
இந்த படத்துக்கு பட்ஜெட் ஐந்தரை கோடி என சொல்லப்படுகிறது. இதில் ஆச்சரியம் என்னவெனில் படத்தின் பட்ஜெட்டை இந்த படம் முதல் நாளே வசூல் செய்து விட்டதாம்.

அதாவது இந்தியாவில் நான்கு கோடியும் வெளிநாட்டு வசூலையும் சேர்த்தால் இந்த படம் ஐந்தரை கோடியை தொட்டிருக்கும் என்கிறார்கள். இனிமேல் வருவது எல்லாமே லாப தான். எனவே யூத் திரைப்படம் தயாரிப்பாளர், விநியோகஸ்தர், தியேட்டர் அதிபர்கள் என எல்லோருக்கும் பல கோடி லாபங்களை கொடுக்கும் என எதிர்பார்க்கப்படுகிறது