">
Warning: Undefined array key 0 in /srv/users/cinereporters/apps/cinereporters/public/wp-content/themes/click-mag/single.php on line 137
Warning: Attempt to read property "cat_name" on null in /srv/users/cinereporters/apps/cinereporters/public/wp-content/themes/click-mag/single.php on line 137
தமிழகத்தில் ஒரே நாளில் 17 புதிய நோயாளிகள் – ருத்ர தாண்டம் ஆடும் கொரோனா
தமிழகத்தில் கொரோனா வைரஸால் பாதிக்கப்பட்டவர்களின் இன்று ஒருநாளில் மட்டும் 17 ஆக பதிவாகியுள்ளது.
கொரோனா வைரஸால் பாதிக்கப்பட்டவர்களின் எண்ணிக்கை உலகளவில் 6,00,000 ஐ தாண்டியுள்ளது. வைரஸால் பலியானவர்களின் எண்ணிக்கை 34,000 ஐ தாண்டியுள்ளது. இந்த பாதிப்பு முதலில் சீனாவில் அதிகமாகக் காணப்பட்டாலும் இப்போது அந்நாடு அதைக் கட்டுக்குள் கொண்டுவந்துள்ளது. அமெரிக்கா, இத்தாலி மற்றும் ஸ்பெயின் போன்ற நாடுகள் கொரோனா பாதிப்பால் இப்போது அதிக இழப்புகளை சந்தித்துக் கொண்டிருக்கின்றனர்.
இந்தியாவில் கொரோனா பாதிப்பு எண்ணிக்கை இன்று 1000 ஐ தாண்டியுள்ளது. தமிழகத்தில் இன்று காலை வரை 50 பேர் கொரொனா பாதித்த நோயாளிகளாக மருத்துவமனைகளில் அனுமதிக்கப்பட்டு இருந்தனர். இந்நிலையில் இன்று ஒரே நாளில் மட்டும் புதிதாக 17 கொரோனா நோயாளிகள் மருத்துவமனைகளில் அனுமதிக்கப்பட்டுள்ளனர். ஈரோட்டில் 10 பேருக்கும், சென்னையில் 4 பேருக்கும், மதுரையில் 2 பேருக்கும், திருவாரூரில் ஒருவருக்கும் கொரோனா இருப்பது உறுதிப்படுத்தப்பட்டுள்ளது. நேற்று புதிதாக 8 நோயாளிகள் அனுமதிக்கப்பட்ட நிலையில் இன்று எண்ணிக்கை 67 ஆகியுள்ளது.
