#45yearsofRajinism- தெறிக்கவிடும் ரஜினியின் காமன் டிபி!

ரஜினிகாந்த் சினிமாவுக்குள் அடியெடுத்து வைத்து 45 ஆண்டுகள் நிறைவடைய உள்ளதை அடுத்து அவருக்கான காமன் டிபி வெளியிடப்பட்டுள்ளது.

45 ஆண்டுகளுக்கு முன்னர் அபூர்வ ராகங்கள் திரைப்படம் ஆகஸ்ட் 15 ஆம் தேதி வெளியானது. அந்த படத்தில் ஒரு சிறு வேடத்தில் நடித்திருந்தார் ரஜினிகாந்த் எனும் சிவாஜி ராவ் கெய்க்வாட். அதன் பிறகு சில படங்களில் வில்லனாக தனது துடிப்பான நடிப்பாலும் வேகமான உடல்மொழியாலும் ரசிகர்களைக் கவர்ந்த ரஜினிகாந்த் விரைவிலேயே கதாநாயகனாக அரிதாரம் பூசினார்.

அதன் பின்னர் சில ஆண்டுகளுக்குள்ளாகவே வசூல் மழை பெய்யும் சூப்பர் ஸ்டாராக மாறினார். அன்றிலிருந்து இன்றுவரை தமிழ் சினிமா மட்டுமல்லாது இந்திய சினிமாவுக்கே சூப்பர் ஸ்டாராக வலம் வந்து கொண்டிருக்கிறார். அவரின் திரைவாழ்க்கையின் 45 ஆவது ஆண்டைக் கொண்டாடும் விதமாக காமன் டிபியை மோகன் லால் மற்றும் சிவகார்த்திகேயன் வெளியிட்டுள்ளனர்.