வாட்ஸ் அப்பில் 8 பேர் வீடியோ காலில் பேசலாம் – வருகிறது புதிய வசதி

அரட்டை அடிப்பது, புகைப்படங்கள் அனுப்புவது, வீடியோக்களை பகிர்வது, வீடியோ காலில் பேசுவது என பலவற்றிற்கும் வாட்ஸ் அப்பை எல்லோரும் பயன்படுத்தி வருகின்றனர். தற்போதுள்ள வெர்ஷனில் ஒரே நேரத்தில் 4 பேருடன் மட்டுமே நாம் வாட்ஸ் அப்பில் வீடீயோ கால் பேசும் வசதி உள்ளது. 

இந்நிலையில், தற்போது ஒரே நேரத்தில் 8 பேர் ஒன்றாக வீடியோ காலில் பேசும் புதிய வசதி அறிமுகப்படுத்தப்பட்டுள்ளது. அதற்கு உங்கள் வாட்ஸ்அப் 2.20.133 வெர்ஷனில் இருக்க வேண்டும். கூகுள் ப்ளேஸ்டோர் சென்று லேட்டஸ்ட் வெர்சனை நீங்கள் அப்டேட் செய்து கொள்ள வேண்டும். 8 பேரும் அப்டேட் செய்திருந்தால் மட்டுமே எல்லோரும் இந்த வசதியை பெறமுடியும் என்பது குறிப்பிடத்தக்கது.