ஆதித்யா வர்மாவைப் பாராட்டிய அர்ஜுன் ரெட்டி – நெகிழ்ந்த த்ருவ் விக்ரம் !

ஆதித்யா வர்மா படத்தில் நடித்த த்ருவ் விக்ரம்மை நடிகர் விஜய் தேவாரகொண்டா பாராட்டியுள்ளார்.

தெலுங்கில் கடந்த ஆண்டு வெளியானத் திரைப்படம் அர்ஜுன் ரெட்டி. பரவலாக விமர்சனங்களையும் கண்டனங்களையும் பெற்றாலும் வசூல் ரீதியாக வெற்றி பெற்றது. இதையடுத்து ஹிந்தியிலும், தமிழிலும் அந்த படத்தை ரீமேக் செய்யும் முயற்சிகள் நடந்தன.

ஹிந்தியில் ஷாகித் கபூர் நடிப்பில் கபீர் சிங் என்ற பெயரில் வெளியாகி வெற்றி வாகை சூடியது. தமிழில் விக்ரம் மகன் துருவ் விக்ரம் நடிப்பில் ஆதித்யா வர்மா என்ற பெயரில் வெளியானது. த்ருவ்வுக்கு நல்ல நடிகர் என்ற பெயரை வாங்கித் தந்தாலும் வெற்றிப்படமாக அமையவில்லை.

இந்நிலையில் அர்ஜுன் ரெட்டி கதாநாயகன் விஜய் தேவாரகொண்டா ‘துருவ் விக்ரம்மைப் பாராட்டி ஒரு கடிதம் அனுப்பியுள்ளார். அதை தனது இன்ஸ்டாகிராம் பக்கத்தில் பகிர்ந்த துருவ் ‘அர்ஜுன் ரெட்டி போன்ற ஒரு சிறந்த படத்தின் மீதான காதல், ஆதித்யா வர்மாவை எடுக்க எங்களைத் தூண்டியது. ஒரு நாள் உங்களைப் போன்ற வெற்றியாளராக நானும் வருவேன் என்ற நம்பிக்கை உள்ளது. என்றென்றும் நான் உங்களால் ஈர்க்கப்பட்டவன்’ எனத் தெரிவித்துள்ளார்.