ஒரு மணிக்கு ஊத்தி மூடிடனும் – ஹோட்டல்களுக்கு கெடுபிடி !

புத்தாண்டு கொண்டாட்டத்தின் போது நட்சத்திர ஹோட்டல்களில் கடைபிடிக்க வேண்டிய விதிமுறைகள் குறித்து தமிழ்நாடு காவல்துறை அறிவித்துள்ளது.

இந்தியாவின் அனைத்து மதத்தினராலும், இளைஞர்களாலும் கொண்டாடப்படும் ஒரு பண்டிகையாக ஆங்கில புத்தாண்டு உள்ளது. ஆனால் அந்த கொண்டாட்டங்களில் பைக் ரேஸ் விபத்துகள், கடலில் குளித்து உயிரிழத்தல் போன்ற அசம்பாவிதங்கள் நடப்பதால் இளைஞர்களைக் கட்டுப்படுத்த போலிஸார் தீவிரமாக உள்ளனர். இதற்காக 15000 போலிஸார் டிசம்பர் 31 ஆம் தேதி இரவு காவலுக்கு நியமிக்கபப்ட்டுள்ளனர்.

இதையடுத்து நட்சத்திர ஹோட்டல்களில் நடக்கும் பார்ட்டிகளுக்கும் காவலர்கள் கெடுபிடி விதித்துள்ளனர். அதன் படி ‘இரவு ஒரு மணிக்குள் அனைத்துக் கொண்டாட்டங்களும் முடிக்கப்பட வேண்டும். பெண்களை பாதுகாக்க பெண் பவுன்சர்கள் நியமிக்கப்படவேண்டும். நீச்சல் குளங்களுக்கு செல்லும் பகுதிகள் அடைக்கப்பட்டு இருக்க வேண்டும்’ எனப் பல விதிமுறைகளை விடுத்துள்ளனர்.