நடிகரின் திருமணத்தில் கலந்துகொண்டவருக்குக் கொரோனா – மணமக்களுக்கும் சோதனை!

தெலுங்கு சினிமாவைச் சேர்ந்த நடிகரான நிதினுக்கு சமீபத்தில் திருமணம் நடந்து முடிந்த நிலையில் அந்த நிகழ்வில் கலந்துகொண்ட ஒருவருக்கு கொரோனா உறுதி செய்யப்பட்டுள்ளது.

தெலுங்கு சினிமாவில் குணச்சித்திர நடிகராக நடித்து வருபவர் நிதின்.  வளர்ந்துவரும் நடிகரான இவருக்கும் ஷாலினி என்ற பெண்ணுக்கும் கடந்த ஜூலை 26 ஆம் தேதி திருமணம் ஒரு நட்சத்திர ஹோட்டலில் நடந்தது. அதில் அரசு அனுமதித்த அளவிலேயே நெருங்கிய உறவினர்கள் மற்றும் குடும்பத்தினர் மட்டுமே கலந்து கொண்டனர்.

திருமணம் முடிந்து 13 நாட்களுக்கு மேலாகியுள்ள நிலையில் அந்த திருமணத்தில் கலந்துகொண்ட ஒருவருக்கு கொரோனா தொற்று உறுதியாகியுள்ளது. இதையடுத்து அந்த திருமணத்தில் கலந்து கொண்ட மணமக்கள் உள்ளிட்ட மற்ற எல்லோருக்கும் கொரோனா சோதனை மேற்கொள்ளப்பட்டு வருகிறது.