இதுதான்டா ஆடியோ லாஞ்ச்!.. மேடையேறி தனுஷும் ரஹ்மானும் சும்மா தெறிக்க விட்டுட்டாங்க!..

ராயன் படத்தின் இசை வெளியீட்டு விழா நேற்று நடைபெற்றது. தனுஷின் 50வது படமாக ராயன் திரைப்படம் உருவாகியுள்ள நிலையில் அந்த படத்திற்கு ஏ.ஆர். ரகுமான் இசையமைத்துள்ளார். நேற்று நடைபெற்ற இசை வெளியீட்டு விழாவில் தனுஷ் மற்றும் ஏ.ஆர். ரகுமான் இணைந்து மேடையில் பாடியது ரசிகர்களை உற்சாகமடைய செய்தது.

தனுஷ் ஏற்கனவே ப. பாண்டி எனும் படத்தை ராஜ்கிரணை ஹீரோவாக வைத்து இயக்கி இருந்தார். அந்தப் படத்தில் ராஜ்கிரணுக்கு ஜோடியாக ரேவதி நடித்தார். பிரசன்னா, டிடி நீலகண்டன் உள்ளிட்ட பலர் நடித்தனர்.

இளம்வயது ராஜ்கிரன் ஆக நடிகர் தனுஷ் நடித்து இருந்தார். அவருக்கு ஜோடியாக மடோனா செபாஸ்டியன் நடித்தார். தனுஷ் இயக்கத்தில் வெளியான முதல் படமே அவருக்கு மிகப்பெரிய பாராட்டுக்களை ரசிகர்கள் மத்தியில் பெற்றுத் தந்தது. இந்நிலையில் அடுத்த படத்தை தனுஷ் இயக்கி நடித்துள்ளார்.

தனுஷின் மனைவி ஐஸ்வர்யா ரஜினிகாந்த் பல ஆண்டுகளுக்கு பிறகு இந்த ஆண்டு அப்பா ரஜினிகாந்தை வைத்து இயக்கிய லால் சலாம் திரைப்படம் பிளாப் ஆன நிலையில் தனுஷின் திரைப்படம் எப்படி இருக்கப் போகிறது என்கிற எதிர்பார்ப்பு ரசிகர்கள் மத்தியில் உள்ளது.

இந்த மாதம் ஜூலை 26 ஆம் தேதி வெளியாக உள்ள ராயன் திரைப்படம் நிச்சயம் தமிழ் சினிமாவில் மிகப்பெரிய வெற்றிப் படமாக வரும் என்கிற நம்பிக்கை நேற்று நடைபெற்ற இசை வெளியிட்டு விழா மூலமாகவே தெரிந்துவிட்டது.

ராயன் படத்திற்கு ரகுமான் தாறுமாறான இசையை கொடுத்திருக்கிறார். ஒவ்வொரு பாடலும் ரசிகர்களை கவரும் வகையில் உள்ளன. நேற்று நடைபெற்ற இசை வெளியிட்டு விழாவில் தனுஷுடன் இணைந்து ஏ.ஆர். ரகுமான் பாட ஒட்டுமொத்த அரங்கமே அதிர்ந்தது.