ஆப்பு வைத்த அரசு : கை விரித்த கல்லூரிகள் : மாஸ்டர் இசை வெளியீட்டு விழா எங்கு தெரியுமா?

லோகேஷ் கனகராஜ் இயக்கத்தில் விஜய் நடித்து வரும் திரைப்படம் மாஸ்டர். இப்படத்திற்கு அனிருத் இசையமைத்துள்ளார்.  இப்படத்தின் இசை வெளியீட்டு விழா எங்கு நடக்கிறது என்பதுதான் திரையுலகம் மற்றும் விஜய் ரசிகர்களின் பெரிய எதிர்பார்ப்பாக உள்ளது. 

தன்னுடைய பட இசை வெளியீட்டு விழாக்களில் அரசியல்வாதிகளுக்கு கோபத்தை கொடுக்கும் வகையில் விஜய் பேசிவிடுவதால் இந்த முறை எந்த கல்லூரிகளுக்கும் மாஸ்டர் படத்தின் இசை வெளியீட்டு விழாவை நடத்த அனுமதிக்கக்கூடாது என மறைமுக உத்தரவு சென்றுவிட்டதால் அனைத்து கல்லூரிகளின் கதவுகளும் மூடப்பட்டதாக தெரிகிறது. பிகில் பட விழாவில் விஜய் பேசியது ஆளும் கட்சியினருக்கு ஏற்படுத்திய கோபமே இதற்கு காரணம் என சொல்லித் தெரிய வேண்டியதில்லை.

எனவே, சென்னையில் உள்ள லீலா பேலஸ் 5 நட்சத்திர ஹோட்டலில் மாஸ்டர் இசை வெளியீட்டு விழாவில் நடத்துவது என படக்குழு முடிவெடுத்துள்ளதாம். விரைவில் அதற்கான தேதி அறிவிக்கப்படும் என எதிர்பார்க்கப்படுகிறது.

ஆனால், மைதானம் மற்றும் கல்லூரி என்றால் விஜய் ரசிகர்கள் அதிகம் கூடமுடியும். ஆனால், இது நட்சத்திர ஹோட்டல் என்பதால் அதிகம் பேர் அங்கே கூட முடியாது. எனவே, இசை வெளியீட்டு விழா எப்படி நடக்கப்போகிறது என்கிற எதிர்பார்ப்பு எழுந்துள்ளது.