தளபதி 64 படத்தின் அடுத்தகட்ட படப்பிடிப்பு குறித்த முக்கிய தகவல்

தளபதி விஜய் மற்றும் மக்கள் செல்வன் விஜய் சேதுபதி ஆகிய இருவரும் முதல் முறையாக இணைந்து நடித்து வரும் 'தளபதி 64' படத்தின் படப்பிடிப்பு கடந்த இரண்டு மாதங்களாக விறுவிறுப்பாக நடைபெற்று வருவது தெரிந்ததே. முதல்கட்ட படப்பிடிப்பு சென்னையிலும், இரண்டாம் கட்ட படப்பிடிப்பு டெல்லியிலும் அதன் பின்னர் தற்போது கர்நாடக மாநிலத்தில் உள்ள ஷிமோகாவிலும் இந்த படத்தின் படப்பிடிப்பு நடைபெற்று வருகிறது 

இந்த நிலையில் விஜய் சம்பந்தப்பட்ட காட்சிகளின் படப்பிடிப்பு சமீபத்தில் முடிவடைந்த நிலையில் தற்போது விஜய்சேதுபதி காட்சிகளை இயக்குனர் லோகேஷ் கனகராஜ் இயக்கி வருகிறார். இந்த நிலையில் விஜய் மற்றும் விஜய் சேதுபதி ஆகிய இருவரும் கலந்து கொள்ளும் அடுத்த கட்ட படப்பிடிப்பு ஜனவரி 21ஆம் தேதி முதல் சென்னையில் நடைபெறும் என்று படக்குழுவினர்கள் தரப்பினர் உறுதி செய்துள்ளனர். இந்த படப்பிடிப்பின் போது இருவரும் ஒரு ஆக்ஷன் காட்சிகள் படமாக்கப்பட உள்ளதாகவும், இந்த காட்சிகள் தான் படத்தின் ஹைலைட் என்றும் கூறப்படுகிறது

விஜய், மாளவிகா மோகனன், விஜய்சேதுபதி, ஆண்ட்ரியா, சாந்தனு, அர்ஜூன் தாஸ், சஞ்சீவ், ஸ்ரீமான், ரம்யா, கெளரி கிஷான், தீனா உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். சத்யன் சூரியன் ஒளிப்பதிவில், பிலோமினா ராஜ் படத்தொகுப்பில் உருவாகி வரும் இந்த படத்தை விஜய்யின் உறவினர் சேவியர் பிரிட்டோ தயாரித்து வருகிறார். இந்த படம் வரும் ஏப்ரல் மாதம் வெளியாகவுள்ளது