இதுதான் ஊரடங்கை பின்பற்றும் லட்சணமா? சென்னை மக்களின் அலட்சியம்!

சென்னையில் இன்று சில பகுதிகளில் சாதாரண நாட்களைப் போல வாகன நெருக்கம் ஏற்பட்டது அதிர்ச்சியை ஏற்படுத்தியுள்ளது.

கொரோனா வைரஸால் இதுவரை தமிழகத்தில் 124 பேர் பாதிக்கப்பட்டுள்ளனர். அதில் ஒருவர் உயிரிழந்துள்ளார். இந்நிலையில் தமிழகத்தில் 21 நாட்கள் ஊரடங்கு அறிவிக்கப்பட்டுள்ள நிலையில் பல இடங்களில் அதை மக்கள் கடை பிடிப்பதில்லை என்ற குற்றச்சாட்டு எழுந்துள்ளது.

அதை நிரூபிக்கும் வகையில் இன்று சென்னையில் உள்ள பாடி மேம்பாலத்தில் வழக்கமான நாட்களில் ஏற்படுவது போல வாகன நெருக்கம் ஏற்பட்டு போக்குவரத்து நிறுத்தப்பட்டது. இது சம்மந்தமான புகைப்படம் சமூகவலைதளங்களில் வெளியாகி அதிர்ச்சியை ஏற்படுத்தியுள்ளன.

அதே போல பூந்தமல்லி சாலையிலும் போக்குவரத்து நெரிசல் ஏற்பட்டதாக சொல்லப்படுகிறது. இதனால் வைரஸ் மேலும் பரவும் வாய்ப்பு அதிகமாக உள்ளதாக மக்கள் அச்சம் கொள்ள ஆரம்பித்துள்ளனர்.

வரும் வாகனங்களை போலீசார் தடுத்தி நிறுத்தி சோதனை செய்ததால் இப்படி கூட்டம் கூடிவிட்டதாகவும், பின்னர் அது சரி செய்யப்பட்டு விட்டதாகவும் காவல் அதிகாரிகள் தெரிவித்துள்ளனர்.