மீண்டும் ஹீரோவாகும் கார்த்திக் – உண்மைதான் நம்புங்கள் மக்களே !

நடிகர் கார்த்திக் மீண்டும் கதாநாயகனாக நடிக்கும் இவன் தீ படத்தின் பூஜை நேற்று திருப்பூரில் நடந்துள்ளது.

90 களின் இறுதியில் நவரச நாயகன் கார்த்திக்கின் மார்க்கெட் ஆட்டம் காண ஆரம்பித்தது. 2000 –ன் தொடக்கத்தில் சில படங்களில் ஹீரோவாக நடித்தாலும் அவை எதுவும் பெரிய அளவில் பேசப்படவில்லை. இடையில் கட்சி ஆரம்பித்து அரசியலில் வேறு புகுந்ததால் அவரை சினிமா உலகினர் மறந்து போனார்கள்.

பின்னர் ராவணன் உள்ளிட்ட சில படங்களில் அவர் தலைகாட்டி வந்தார். இதற்கிடையில் மணிரத்னம் இயக்கத்தில் அவரது மகன் கௌதம் கார்த்திக் கதாநாயகனாக அறிமுகமாகி குறிப்பிடத்தகுந்த வளர்ச்சியை அடைந்துள்ளார். இந்நிலையில் தற்போது நீண்ட இடைவெளிக்குப் பின் அவர் கதாநாயகனாக தீ இவன் என்ற படத்தில் நடித்து வருகிறார்.

கொங்கு பகுதியில் வாழும் அண்ணன் தங்கை பாசத்தை மையமாக வைத்து உருவாகும் இந்த படத்தில் கார்த்திக்கின் தங்கையாக சுகன்யா நடிக்க இருக்கிறார். மேலும் இந்த ஐஸ்வர்யா லட்சுமி, அர்த்திகா, சேது அபிதா, ஜான் விஜய், சிங்கம்புலி, இளவரசு, மஸ்காரா அஸ்மிதா,  ஹேமந்த் மேனன், பெரைரோ, இயக்குனர் சரவண சக்தி, ராஜேஸ்வரி, ஸ்ரீதர் ஆகியோர் நடிக்கின்றனர். இந்த படத்தை சிந்துபாத் படத்தின் தயாரிப்பாளர் டி எம் ஜெயமுருகன் இயக்க உள்ளார்.