உள்ளாட்சித் தேர்தல் – டாஸ்மாக் கடைகளுக்கு 5 நாட்கள் விடுமுறை !

தமிழகத்தில் இரு கட்டமாக நடக்க உள்ள உள்ளாட்சித் தேர்தலை முன்னிட்டு டாஸ்மாக் கடைகளுக்கு 5 நாட்கள் விடுமுறை அறிவிக்கப்பட்டுள்ளது.

தமிழகத்தில் மூன்று ஆண்டுகாலமாக நடக்காமல் இருந்த உள்ளாட்சித் தேர்தல் வரும் டிசம்ப்ர் 27 மற்றும் 30 ஆகிய தேதிகளில் நடக்க இருக்கிறது. இதை அடுத்து வாக்கு எண்ணிக்கை ஜனவரி 2 ஆம் தேதி நடக்க இருக்கிறது.

இந்நிலையில் தேர்தல் மற்றும் வாக்கு எண்ணிக்கையை முன்னிட்டு அசம்பாவிதங்கள் ஏதும் ஏற்படாமல் இருக்க டாஸ்மாக் கடைகளுக்கு விடுமுறை அறிவிக்கப்பட்டுள்ளது.

வரும் 25-ம் தேதி மாலை 5 மணி முதல் 27-ம் தேதி மாலை 5 மணி வரையும், 28-ம் தேதி மாலை 5 மணி முதல் 30-ம் தேதி மாலை 5 மணி வரை டாஸ்மாக் மதுபானக் கடைகளுக்கு விடுமுறை அறிவிக்கப்பட்டுள்ளது. மேலும் வாக்கு எண்ணிக்கை நடைபெறும் 2ம் தேதி முழுவதும் விடுமுறை அறிவிக்கப்பட்டுள்ளது.