பேஸ்புக்கின் தவறை சுட்டிக்காட்டி பரிசு வாங்கிய மதுரை இளைஞர்!

பேஸ்புக்கில் செட்டிங்ஸில் இருக்கும் குறைபாடு ஒன்றை சுட்டிக்காட்டி மதுரையைச் சேர்ந்த கிஷோர் என்ற இளைஞர் 1000 டாலர் பரிசு வாங்கியுள்ளார்.

பேஸ்புக் எனும் சமூகவலைதளமானது இன்றைய உலகின் இன்றியமையாத ஒரு அங்கமாக மாறிவிட்டது. இதன் மூலம் புகைப்படங்கள், கருத்துகள் மற்றும் வீடியோக்கள் என அனைத்தையும் பகிர்ந்துகொண்டு உரையாட முடிகிறது. மிகப்பெரிய அரசியல் விஷயங்கள் கூட ஜனநாயகத் தன்மையோடு இதில் விவாதிக்கப்படுகின்றன.

இந்நிலையில் பேஸ்புக்கில் வீடியோ அப்லோட் செய்வதில் தவறாகப் பயன்படுத்தும் சில வழிமுறைகள் இருந்தன. அதை சுட்டிக்காட்டிய மதுரையைச் சேர்ந்த கிஷோருக்கு பேஸ்புக் நிர்வாகம் பாராட்டு தெரிவித்து 1000 டாலர் பரிசையும் அளித்துள்ளது. இந்த பரிசுத்தொகை இந்திய மதிப்பில் 75,000 ரூபாயாகும்.