சிவகார்த்திகேயன் எழுதிய காந்தக் கண்ணழகி – ஊரடங்கு நாளில் செய்த சாதனை!

எப்போதும் விஜய், தனுஷ் மற்றும் சிவகார்த்திகேயன் போன்றவர்களின் படங்களில் பாடல்கள் சிறப்பாக அமையும். இந்நிலையில் கடந்த செப்டம்பர் மாதம் வெளியான சிவகார்த்திகேயன் நடித்திருந்த நம்ம வீட்டுப் பிள்ளை படத்தில் இடம்பெற்றிருந்த காந்தக் கண்ணழகி எனும் பாடல் குழந்தைகள் முதல் பெரியவர்கள் வரை அனைவரையும் கவர்ந்தது.

சமூகவலைதளங்களிலும் அந்த பாடலை வைத்து டிக்டாக் வீடியோக்கள், மீம்ஸ்கள் ஆகியவை உருவாக்கப்பட்டன. இந்நிலையில் கடந்த சில நாட்களாக ஊரடங்கு அறிவிக்கப்பட்டு மக்கள் வீடுகளுக்குள்ளேயே முடங்கியுள்ள நிலையில் இந்த பாடல் தற்போது யுடியூபில் 10 கோடி பார்வையாளர்களைக் கடந்துள்ளது.

இதுவரை தமிழ் சினிமாவில் 10 பாடல்கள் மட்டுமே 10 கோடி பார்வையாளர்களைக் கடந்துள்ளது என்பது குறிப்பிடத்தக்கது.