விஜய்யுடன் இணைந்து நடிக்கும் மகேஷ் பாபு? இயக்குனராக ஏ ஆர் முருகதாஸ்! இணையத்தில் பரவும் தகவல் உண்மையா?

இயக்குனர் ஏ ஆர் முருகதாஸ் இயக்கத்தில் விஜய் மற்றும் மகேஷ் பாபு இணைந்து ஒரு படத்தில் நடிக்க உள்ளதாக வதந்திகள் பரவி வருகின்றன.

சில தினங்களுக்கு முன்னர் மகேஷ்பாபு, நடிகர் விஜய்யை கிரின் இந்தியா சேலஞ்ச் திட்டத்தில் டேக் செய்தார். அதற்கு பதிலாக நடிகர் விஜய்யும் அந்த சேலஞ்சை ஏற்று தன் வீட்டு தோட்டத்தில் செடி ஒன்றை நட்டு புகைப்படத்தை வெளியிட்டார். இதனால் இரு நடிகர்களின் ரசிகர்களும் உற்சாகமானார்கள். அதையடுத்து இப்போது இவர்கள் இருவரும் இணைந்து ஒரு படத்தில் நடிக்க போவதாக செய்திகள் வெளியாக ஆரம்பித்துள்ளன.

ரசிகர்களும் அதன் உண்மைத் தன்மை தெரியாமல் இணையத்தில் பரப்பி வருகின்றனர். மேலும் அந்த படத்தை இயக்குனர் ஏ ஆர் முருகதாஸ் இயக்கப்போவதாக, அந்த படத்தில் தமிழில் மகேஷ் பாபு வில்லனாகவும், விஜய் தெலுங்கில் வில்லனாகவும் நடிக்க இருப்பதாகவும் தெரிவித்து வருகின்றனர். ஆனால் இதெல்லாம் ஏ ஆர் முருகதாஸ் ஸ்பைடர் படத்தின் போது அப்படி ஒரு ஆசை தனக்கு இருப்பதாக சொன்னதால் வந்த குழப்பம். அதை நினைத்துக்கொண்டு இப்போது ரசிகர்கள் இதுபோல வதந்திகளைப் பரப்பி வருகின்றனர்.