புகைப்படத்தை ஆபாசமாக மார்ஃப் செய்து வெளியிட்ட நபர்கள்! நடிகையின் ஆவேச ரிப்ளை!

மலையாளம் மற்றும் தமிழ் படங்களில் நடித்துப் புகழ்பெற்ற நடிகை அனுபமா பரமேஸ்வரனின் புகைப்படத்தை சிலர் ஆபாசமாக மார்ஃப் செய்து வெளியிட்டுள்ளனர்.

மலையாளத்தில் பிரேமம் நடித்து தமிழ் ரசிகர்கள் மனதிலும் இடம்பிடித்தவர் அனுபமா பரமேஸ்வரன். அதன் பின்னர் அவர் தமிழில் கொடி படத்தில் நடித்தார். இடையில் கிரிக்கெட் வீரர் பூம்ராவோடு காதலில் உள்ளார் எனக் கூறப்பட்டு இந்திய அளவில் பிரபலமானார்.

இந்நிலையில் அவரது புகைப்படத்தை ஆபாசமாக மார்ப் செய்து அதை முகநூல் கணக்கை ஹேக் செய்து அதில் இருந்தே  அப்லோட் செய்துள்ளனர் சில சைபர் குற்றவாளிகள். இதனால் அதிர்ச்சியான அனுபமா தனது இன்ஸ்டாகிராம் பக்கத்தில் அவைத் தன்னுடைய புகைப்படங்கள் இல்லை என மறுத்துள்ளார்.

மேலும் ‘உங்களுக்கெல்லாம் அக்கா தங்கையே இல்லையா? இந்த நான்சென்ஸை செய்வதற்கு ஏன் நேரத்தை செலவு செய்கிறீர்கள்?’ எனக் கேள்வி எழுப்பியுள்ளார்.