பா.ரஞ்சித்துடன் இணைந்த பிரபல எழுத்தாளர்!

சூப்பர் ஸ்டார் ரஜினிகாந்த் நடித்த ’காலா’ என்ற திரைப்படத்தை இயக்கிய இயக்குனர் பா ரஞ்சித் இந்த படம் வெளியாகி ஒரு வருடத்திற்கு மேலாகியும் அவருடைய அடுத்த படம் குறித்த தகவல்கள் வெறும் அறிவிப்போடு உள்ளது என்பது குறிப்பிடத்தக்கது

adminram

Published on January 6, 2020

541fca34ab4a0dfdf3d21b8bb1332616

பா.ரஞ்சித் ஏற்கனவே இந்தியில் ஒரு திரைப்படத்தை இயக்க ஆரம்பகட்ட பணிகளை செய்த நிலையில் தற்போது அந்த படம் சில மாதங்களுக்கு நிறுத்தி வைக்கப்பட்டுள்ளதாக கூறப்படுகிறது. இந்த நிலையில் தமிழில் வடசென்னை பின்னணியை கொண்ட ஒரு பாக்ஸிங் திரைப்படத்தை பா.ரஞ்சித் இயக்க இருப்பதாகவும் இந்த படத்தில் ஆர்யா கதாநாயகனாக நடிக்க இருப்பதாகவும் செய்திகள் வெளிவந்தது. தற்போது இந்த படத்தின் பணிகள் தொடங்கி விட்டதாகவும் கூறப்படுகிறது

இந்த நிலையில் பிரபல எழுத்தாளர் தமிழ்பிரபா என்பவர் இந்த படத்திற்கு திரைக்கதை வசனம் எழுதி இருப்பதாக தனது டுவிட்டர் பக்கத்தில் குறிப்பிட்டுள்ளார். இதனை அடுத்து முதல் முதலாக இயக்குனர் ரஞ்சித் ஒரு எழுத்தாளர் உடன் இணைந்து ஒரு படத்தை இயக்க உள்ளார் என்பது குறிப்பிடத்தக்கது

இதுகுறித்து தனது டுவிட்டர் பக்கத்தில் எழுத்தாளர் தமிழ்பிரபா கூறியபோது என் நண்பரும் இயக்குனருமான பா ரஞ்சித் இயக்கும் அடுத்தப் படத்திற்கு அவருடன் இணைந்து திரைக்கதை வசனம் எழுதி வைக்கிறேன். படப்பிடிப்பு தொடங்க இருக்கின்றது. என் வாழ்வில் நடக்கும் சொல்லிக் கொள்ளும்படியான சம்பவங்களை எப்போதும் போல உங்களுடன் பகிர்ந்துகொள்வதில் பேருவகை அடைகிறேன்’ என்று குறிப்பிட்டுள்ளார்