பொன்மகள் வந்தாள் பெற்ற வரவேற்பால் தயாரிப்பாளர்கள் அதிரடி முடிவு! ஓடிடியில் அட்லி படம்!

ஜோதிகா நடிப்பில் ஓடிடி பிளாட்பார்மில் நேரடியாக ரிலீஸ் ஆகியுள்ள பொன்மகள் வந்தாள் திரைப்படத்தைத் தொடர்ந்து அந்தகாரம் படமும் நெட்பிளிக்ஸில் வெளியாகியுள்ளது.

கொரோனா ஊரடங்கு காரணமாக திரையரங்குகள் மூடப்பட்டு 2 மாதங்களுக்கு மேல் ஆகியுள்ளது. இதனால் ரிலிஸூக்கு தயாராக இருந்த பல படங்கள் வட்டி கட்ட முடியாமல் தவித்து வருகின்றனர். இந்நிலையில் சிறு மற்றும் குறு பட்ஜெட் படங்கள் வந்தவரை லாபம் என்று தங்கள் படங்களை ஓடிடி பிளாட்பார்ம்களில் ரிலிஸ் செய்ய ஆரம்பித்துள்ளனர்.

தமிழில் அதன் தொடக்கமாக பொன்மகள் வந்தாள் மே 29 ஆம் தேதி ரிலீஸானது. அந்த படம் நல்ல வரவேற்பைப் பெற்றுள்ள நிலையில் அடுத்ததாக கீர்த்தி சுரேஷ் நடித்துள்ள பெண்குயின் திரைப்படம் வெளியாக இருக்கிறது. இந்நிலையில் அட்லி தயாரிப்பில் வினோத் கிஷன் மற்றும் அர்ஜுன் தாஸ் ஆகியோர் நடித்துள்ள அந்தகாரம் படத்தையும் நேரடியாக ரிலீஸ் செய்ய திட்டமிட்டுள்ளனர்.