ரஜினி அரசியலுக்கு வரமாட்டார் – அடித்து சொல்லும் பேராண்மை இயக்குனர்!

இயக்குனர் ஜனநாதன் சமீபத்தில் யுடியூப் இணையதளம் ஒன்றுக்கு அளித்த பேட்டியில் ரஜினி அரசியலுக்கு வரமாட்டார் என தான் இப்போதும் நம்புவதாக தெரிவித்துள்ளார்.

இயற்கை, ஈ மற்றும் பேராண்மை போன்ற தரமான படங்களை இயக்கியவர் இயக்குனர் ஜனநாதன். அவர் பேராண்மைப் படத்தின் வெற்றிக்குப் பின் ரஜினியை சந்தித்து பக்கிரி என்ற கதையை சொன்னாதாகவும் அது சில காரணங்களால் நடக்காமல் போய்விட்டது என்றும் கூறியிருந்தார். அந்த படத்தில் நடிக்க ரஜினி ஆர்வமாக இருந்ததாகவும் கூறினார்.

மேலும் அந்த படத்தின் கதைப் பற்றிய பேசிய ஜனநாதன் ‘ரஜினி அரசியலுக்கு வரமாட்டார் என நான் இப்போதும் நம்புகிறேன். அதனால் திரையிலாவது அரசியல் பேசட்டும் என அரசியல் கதை ஒன்றை சொன்னேன். முதலில் ஆர்வமாக இருந்த ரஜினிகாந்த் ஒரு வார்த்துக்குப் பின் அந்த படம் வேண்டாம் என சொல்லிவிட்டார்’ எனக் கூறியுள்ளார்.