இறுக்கி அணைச்சு உம்மா! விஜயையும் விடாத விஜய் சேதுபதி… மாஸ்டர் கலக்கல் அப்டேட்ஸ்….

லோகேஷ் கனராஜ் இயக்கத்தில் நடிகர் விஜய், விஜய் சேதுபதி, மாளவிகா மோகனன், சாந்தனு உள்ளிட்ட பலரும் நடித்து வரும் திரைப்படம் மாஸ்டர். இப்படத்தை விஜய் ரசிகர்கள் ஆவலுடன் எதிர்பார்த்து காத்திருக்கின்றனர். தற்போது இப்படத்தின் படப்பிடிப்பு சென்னையில் நடந்து வருகிறது.

இப்படத்தில் பணிபுரியும் கலை இயக்குனர் சதீஷீன் பிறந்தநாள் சமீபத்தில் படப்பிடிப்பு தளத்தில் கொண்டாடப்பட்டது. விஜய் சேதுபதி தனது வழக்கமான பாணியில் அவரை கட்டிப்பிடித்து கன்னத்தில் முத்தம் கொடுத்தாராம். அப்போது பலத்த கைத்தட்டல்களுக்கு இடையே அருகிலிருந்த விஜயையும் அவர் கட்டிப்பிடித்து கன்னத்தில் முத்தம் கொடுத்துள்ளார். இதில் விஜயே இன்ப அதிர்ச்சியில் திக்கு முக்காடிப் போனாராம். 

இப்படத்தின் படபிடிப்பு இன்னும் 15 நாட்கள் மட்டுமே பாக்கி இருக்கிறதாம். மார்ச் மாதம் நடுவில் படப்பிடிப்பு முழுவதும் முடிந்து விடும் என்றும், டீசர், டிரெய்லர், இசை வெளியீட்டு விழா என தொடர்ச்சியாக செய்திகள் வெளியாகும் எனவும் தெரியவந்துள்ளது. மாஸ்டர் திரைப்படம் ஏப்ரல் 9ம் தேதி வெளியாகும் என அறிவிக்கப்பட்டுள்ளது குறிப்பிடத்தக்கது.