மலையாள ரீமேக் படத்தில் திடீர் மாற்றம்… சிம்புவுடன் சேர்ந்து நடிக்கும் மூத்த நடிகர்!

மலையாள படமான அய்யப்பனும் கோஷியும் ரீமேக்கில் சிம்புவும் பார்த்திபனும் சிம்புவும் நடிக்க உள்ளதாக செய்திகள் வெளியாகியுள்ளன.

மலையாளத்தில் இந்த ஆண்டு தொடக்கத்தில் வெளியாகி பெருவெற்றி பெற்ற திரைப்படம் அய்யப்பனும் கோஷியும். அந்த படத்தில் பிருத்விராஜ் மற்றும் பிஜு மேனன் ஆகியோர் நடித்திருந்தனர். இந்த படத்தின் தமிழ் ரீமேக் உரிமையை பைவ் ஸ்டார் கதிரேசன் வாங்கி இருந்தார். இதில் கதாநாயகர்களாக நடிக்க போவது யார் என்ற கேள்வி நீண்ட நாட்களாக குழப்பத்தில் இருந்தது.

தமிழ் ரீமேக்கில் கோஷியாக கார்த்தியும், அய்யப்பனாக பார்த்திபனும் நடித்தால் நன்றாக இருக்கும் என அந்த படத்தின் மறைந்த இயக்குனர் சாச்சி கூறியிருந்தார். ஆனால் இப்போது கார்த்திக்கு பதிலாக சிம்புவை நடிக்க வைக்க பேச்சுவார்த்தை நடப்பதாக சொல்லப்படுகிறது. அதனால் முதல்முறையாக சிம்புவும் பார்த்திபனும் சேர்ந்து இந்த படத்தில் நடிக்க உள்ளதாக சொல்லப்படுகிறது.