மீண்டும் வீடியோவை வெளியிட்டு பரபரப்பை ஏற்படுத்திய பாடகி சுசித்ரா!

பிரபல பாடகி சுசித்ரா கடந்த 2017ஆம் ஆண்டு சுசிலீக்ஸ் என்ற பெயரில் தனது டுவிட்டர் பக்கத்தில் கோலிவுட் திரையுலகில் மர்மமான பல விஷயங்களை வீடியோவாக வெளியிட்டார். அவர் வெளியிட்ட வீடியோவில் தனுஷ் உள்பட பிரபல நடிகர்களின் சர்ச்சைகுரிய வீடியோக்கள் இருந்ததால் கோலிவுட் திரையுலகினர் அதிர்ச்சியடைந்தனர் 

சிலர் இது மார்பிங் செய்யப்பட்ட வீடியோக்கள் என்றும் சுசித்ராவின் டுவிட்டர் கணக்கு ஹேக் செய்யப்பட்டது என்றும் கூறி சமாளித்தனர். சுசித்ராவின் கணவர் கார்த்திக் குமாரும் இதையே தெரிவித்தார். இந்த நிலையில் சுசித்ராவுக்கு மனநிலை சரியில்லை என்றும் அதனால் அவர் சிகிச்சை எடுத்து வருவதாகவும் அவரது தரப்பில் இருந்து கூறப்பட்டது 

இந்த நிலையில் 2 ஆண்டுகளுக்கு பின் தற்போது பாடகி சுசித்ரா மீண்டும் ஒரு வீடியோவை வெளியிட்டுள்ளார். ஆனால் இந்த வீடியோ யாரையும் அதிர்ச்சிக்குள்ளாக்கவில்லை என்பதும் அதற்கு பதிலாக ஆச்சரியத்தை உண்டாக்கி உள்ளது

ஏனெனில் சில ஆண்டுகளுக்கு பின்னர் மீண்டும் சுசித்ரா ஒரு பாடலை பாடியுள்ளார். அவர் தனது யூடியூப் சேனலில் வெளியிட்டுள்ள இந்த வீடியோவில் ’ஐ டோன்ட் நோ’ என்ற பாடலை தனது நண்பர் ரஞ்சித்துடன் இணைந்து பாடியுள்ளார் 

காதல் ரசம் சொட்ட சொட்ட உருவாகியுள்ள இந்த பாடல் தற்போது இணையத்தில் பெரும் வரவேற்பை ஏற்படுத்தி உள்ளது. நீண்ட இடைவேளைக்கு பிறகு சுசித்ராவின் குரலை கேட்கும் அவரது ரசிகர்கள் மீண்டும் பழைய நிலைக்கு அவர் திரும்பி விட்டதாகவும் இதே வேகத்தில் அவர் திரைப்படங்களிலும் பாட வேண்டும் என்றும் கருத்து தெரிவித்து வருகின்றனர்