மறைந்த நடிகரின் கடைசி படத்திற்கு டப்பிங் செய்யும் தம்பி!

நடிகர் அர்ஜுனின் உறவினரான  நடிகர் சிரஞ்சீவி சார்ஜா கடந்த மாதம் 7ம் தேதி மதியம் தனது குடும்பத்தினருடன் மதிய உணவு அருந்திக் கொண்டிருந்த பொழுது திடீரென்று மூச்சுத் திணறல் காரணமாக போராடியுள்ளார். உடனடியாக பெங்களூருவில் உள்ள தனியார் மருத்துவமனையில் சுய நினைவு  இல்லாத நிலையில் அனுமதிக்கப்பட்டார்.

தீவிர சிகிச்சையில் அனுமதிக்கப்பட்டு  அவரை பரிசோதித்த மருத்துவர்கள் நடிகர் சிரஞ்சீவி சார்ஜாவுக்கு மாரடைப்பு ஏற்பட்டு  ஏற்கெனவே இறந்துவிட்டதாகவும் தெரிவித்தனர். இவரது திடீர் மரணத்தால் உறவினர்கள் மட்டுமல்லாது அவரது ரசிகர்கள் அனைவரும் மிகுந்த கவலையில் ஆழ்ந்தனர்.

இந்நிலையில் சிரஞ்சீவி கடைசியாக நடித்த 'ராஜமார்த்தாண்டா' என்ற படத்திற்கு அவரது தம்பியும் கன்னட நடிகருமான துருவ் சார்ஜா டப்பிங் செய்து வருகிறார். இதுகுறித்து கூறிய அவர், “அண்ணனின் காட்சிகளை பார்த்து மிகவும் உணர்ச்சிவசப்பட்டேன். அதனால் தான் டப்பிங் பணிகள் காலதாமதமாகிவிட்டது என  விளக்கம் கொடுத்துள்ளார்.