பா. ரஞ்சித் இயக்கத்தில் சியான் விக்ரம், பார்வதி, மாளவிகா மோகனன், பசுபதி உள்ளிட்ட பலர் நடித்துள்ள தங்கலான் திரைப்படம் இந்த ஆண்டு ஆகஸ்ட் 15 ஆம் தேதி வெளியாகும் என எதிர்பார்க்கப்படுகிறது.
சமீபத்தில் வெளியான தங்கலான் ட்ரெய்லர் படத்தின் கோணத்தை புதிதாக ரசிகர்களுக்கு அறிமுகப்படுத்திய நிலையில், ஜிவி பிரகாஷ் இசையில் உருவாகியுள்ள மினிக்கி மினிக்கி மேனா மினிக்கி பாடல் வரும் 17-ஆம் தேதி புதன்கிழமை வெளியாக காத்திருக்கிறது.
அதனை முன்னிட்டு தற்போது அந்தப் பாடலின் முன்னோட்ட வீடியோவை இயக்குனர் பா. ரஞ்சித் எக்ஸ் தள பக்கத்தில் பதிவிட்டுள்ளார். சூரரைப் போற்று, அசுரன் போன்ற படங்களுக்கு தாறுமாறான இசையை அமைத்த ஜிவி பிரகாஷ் விவாகரத்து சர்ச்சைக்கு பிறகு டல்லாக இருந்து வந்த நிலையில், தங்கலான் பாடல் அவருக்கு ரசிகர்கள் மத்தியில் நல்ல வரவேற்பை பெற்று தந்துள்ளது.
முதல் சில வரிகளே ஈர்க்கின்றன. முழு பாடலும் வெளியானால் நிச்சயம் பாடல் ஹிட் அடித்து விடும் என ரசிகர்கள் ஜி.வி. பிரகாஷபாராட்டி வருகின்றனர். சியான் விக்ரம் செமையா இருக்காரு என்றும் நிச்சயம் அவருக்குத்தான் இந்த ஆண்டு தேசிய விருது கிடைக்கும் என்றும் கூறுகின்றனர்.
மலையாள நடிகை பார்வதி மரியான் படத்தில் தனுஷை போல ஒல்லியாக இருந்தார். ஆனால், இந்த பாடலில் என்ன இவ்வளவு சதை போட்டிருக்காரே என அவரை பார்த்த ரசிகர்கள் ஷாக் ஆகி விட்டனர்.
எப்படி இருந்தாலும், பார்வதி தனது நடிப்பால் சியான் விக்ரமுக்கே டஃப் கொடுப்பார் என்றும் இன்னொரு மலையாள நடிகையான மாளவிகா மோகனன் சூனியக்காரியாக நடித்துள்ள நிலையில், என்ன பண்ண போகிறாரோ என்கிற பயம் ரசிகர்களுக்கு லைட்டாக இருக்கத்தான் செய்கிறது.
இந்த வீடியோவை காண கீழே உள்ள லிங்கை க்ளிக் செய்யுங்க..
https://x.com/beemji/status/1812817119022604320
