அப்போது தோனியை மோசமாக திட்டினேன்… ஆனால் போட்டிக்குப் பின் – நெஹ்ரா வருத்தம்!

இந்திய அணியின் முன்னணி வேகப்பந்து வீச்சாளர்களில் நெஹ்ராவும் ஒருவர். களத்தில் ஆக்ரோஷமாக நடந்துகொள்ளும் அவர் கேட்ச்களை விடும் பீல்டர்களையும் கீப்பர்களையும் மிகவும் கோபமாக திட்டுவது வழக்கம். இதுபோல 2005 ஆம் பாகிஸ்தானுக்கு எதிரான ஒரு போட்டியில் கேட்ச்சை விட்ட தோனியை அவர் கடுமையாக திட்டும் வீடியோ சமூகவலைதளங்களில் வைரலானது.

இதுகுறித்து பேசியுள்ள நெஹ்ரா ‘அந்த போட்டியில் அப்ரிடி என்னுடைய பந்தை சிக்ஸருக்கு தூக்கி அடிப்பார். ஆனால் அடுத்த பந்தையும் அப்படி அடிக்கும் போது அது பேட்டின் நுனியில் பட்டு கீப்பரிடம் செல்லும். ஆனால் அந்த கேட்ச்சை தோனி தவறவிட்டதால் நான் அவரிடம் மோசமாக நடந்துகொண்டேன். போட்டி முடிந்த பின்னர் என்னுடைய செயல் நியாயமானதுதான் என்று தோனி சொன்னாலும் நான் என் செயலை நினைத்து வருத்தமடைந்தேன்’ எனக் கூறியுள்ளார்.