இதனால்தான் என் படத்தில் இருந்து த்ரிஷா விலகினார்! மனம் திறந்த சூப்பர்ஸ்டார்!

தெலுங்கு சூப்பர் ஸ்டார் நடிகரான சிரஞ்சீவி அரசியலுக்கு சென்றதால் கடந்த 10 ஆண்டுகளாக சினிமாவில் நடிக்காமல் இருந்தார். இப்போது அரசியலில் இருந்து வெளியேறியுள்ள அவர் கைதி நம்பர் 150 மற்றும் சைரா நரசிம்மா ரெட்டி ஆகிய படங்களில் நடித்தார்.

இதையடுத்து கொரட்டாலா சிவா இயக்கும் ஆச்சார்யா என்ற படத்தில் நடித்து வருகிறார். இந்த படத்தில் முதலில் த்ரிஷா நடிப்பதாக இருந்து பின்னர் வெளியேறிவிட்டார். இது குறித்து அந்த கதாபாத்திரத்துக்கு கதையில் முக்கியத்துவம் இல்லை என்பதால்தான் வெளியேறியதாக சொல்லப்பட்டது.

ஆனால் இதுகுறித்து சிரஞ்சீவி தரப்பில் இருந்து வேறொரு காரணம் சொல்லப்பட்டுள்ளது. அதில் த்ரிஷா மணிரத்னத்தின் பொன்னியின் செல்வன் படத்துக்காக மொத்தமாக தேதிகளைக் கொடுத்து விட்டதால்தான் இந்த படத்தில் இருந்து வெளியேறினார் எனக் கூறப்பட்டுள்ளது.