வளர்ச்சின்னா இதுதான் வளர்ச்சி – சூர்யா படத்தில் கதாநாயகியான வாணி போஜன்!

சீரியலில் இருந்து சினிமாவுக்கு ப்ரமோஷன் வாங்கிய நடிகை வாணி போஜன் இப்போது வரிசையாக படங்களில் ஒப்பந்தம் ஆகி வருகிறார்.

நடிகை வாணி போஜன் சன் டிவியில் ஒளிபரப்பான தெய்வ மகள் சீரியலின் மூலம் தமிழ் ரசிகர்களுக்கு அறிமுகம் ஆனார். அவரது நடிப்பு மற்றும் அழகால் ரசிகர்களை சுண்டியிழுத்த அவர் ஓ மை கடவுளே படத்தின் மூலமாக சினிமாவுக்கு அறிமுகம் ஆனார். அந்த படத்தின் வெற்றி அவர் மீதான நம்பிக்கையை அதிகரித்துள்ளது.

இதையடுத்து அவரது இரண்டாவது படமான லாக்கப் நேற்று ஓடிடி பிளாட்பார்மில் ரிலீஸாகியுள்ளது. அந்த படத்தில் அவர் வைபவ்வுடன் நெருக்கமாக நடித்துள்ளார். இந்நிலையில் இப்போது அவர் சூர்யா தயாரிக்கும் இரண்டு படங்களில் கதாநாயகியாக நடிக்கும் வாய்ப்புகள் கிடைத்துள்ளன. அதுமட்டுமில்லாமல் விக்ரம் பிரபு நடிக்கும் புதிய படம் ஒன்றிலும் அவர் ஒப்பந்தமாகியுள்ளார்.